ట్రైలర్‌ టాక్‌: సిగరెట్‌ కాల్చేస్తున్నారుగా..

ఒకమ్మాయి ముందు కూర్చొని.. ఈ టైమ్‌ లో ఒక సిగరెట్‌ కాలిస్తే ఉంటుందండీ అంటాడు ఆ హీరో. 'కింగ్స్‌ ఓకెనా' అని అడుగుతుంది సదరు భామ.. కింగ్స్‌ ఏంటండీ.. లైట్స్‌ అయినా ఓకె.. అని చెప్తాడు హీరో. కట్ చేస్తే ఇద్దరూ కలసి సిగరెట్‌ కాలుస్తారు. స్వతాహా స్మోకర్‌ అయిన దర్శకురాలు నందినీ రెడ్డి తన లేటెస్టు సినిమా అయిన ''కళ్యాణ వైభోగమే'' సినిమాలో ఈ రేంజులో ఒక సీన్‌ పుట్టించేసింది.

ఇకపోతే నందిని రెడ్డి అలా మొదలైంది అనే హిట్టు తీసి.. జబర్‌ దస్త్‌ అనే ఫ్లాపునూ తీసి.. ముచ్చటగా మూడోసారి తన లక్‌ పరీక్షించుకోవడానికి వస్తోంది. ఈసారి మాత్రం ట్రైలర్‌ చూస్తే ఓ రేంజులో వర్కవుట్‌ అవుద్దేమో అనిపిస్తోందిలే. కాకపోతే గతంలో వలే కథను ఎక్కడా ఎత్తేయకపోతే నిర్మాతకు కోర్టులో కాపీరైట్స్‌ కేసులు ఫేస్‌ చేసే శ్రమ తగ్గుతుంది. ఇక సినిమా విషయానికొస్తే.. నాగ శౌర్య.. మాళవికా నాయర్‌ లు.. వద్దనుకుంటూనే ఏరేంజెడ్‌ మ్యారేజ్‌ చేసుకుంటారు. ఇంకేముంది.. అక్కడి నుండి రచ్చే. అదే ఈ సినిమా.

ట్రైలర్‌ చూస్తే మాత్రం ఈ సినిమాపై అంచనాలు బాగానే పెరుగుతున్నాయ్‌.