ఫోటో టాక్‌: 'మైత్రి' క‌లిపిన బంధం!

ఒకేసారి ఒకే దివ్య ముహూర్తంలో జ‌న్మించిన‌ అమ్మాయి - అబ్బాయి మ‌ధ్య ప్రేమ‌క‌థ ఏమిట‌న్న‌ది ఖుషి సినిమా. ప‌వ‌న్ క‌ల్యాణ్ - భూమిక ఒకే స‌మ‌యంలో పుట్టి ప‌సికందులుగా ఉన్న‌ప్పుడే స్నేహితులు అవుతారు. అటుపై యుక్త‌వ‌య‌సులో ప్రేమికులుగా మార‌తారు. ఆ ప్రేమ‌లో స‌రిగ‌మ‌లేంటి? అన్న‌ది ఆద్యంతం ర‌క్తి క‌ట్టించేలా తెర‌కెక్కించారు ఎస్.జె.సూర్య‌. అది సినిమాటిగ్గా అల్లుకున్న సినిమా క‌థ‌ అనుకుంటే ఇక్క‌డ రియాలిటీలోనూ ఆ ఇద్ద‌రూ ఒకే రోజు పుట్టడం బిగ్ స‌ర్‌ ప్రైజ్. ఆ ఇద్ద‌రి మ‌ధ్యా స్నేహం కుదిరింది. అయితే ఆ ఇరువురూ ఈ క‌థ‌లో అందాల క‌థానాయిక‌లు కావ‌డం ఆస‌క్తిక‌రం. ఆ ఇద్ద‌రినీ క‌లిపింది `మైత్రి` బంధం. వివ‌రాల్లోకి వెళితే..

క‌న్న‌డ బ్యూటీ ర‌ష్మిక మంద‌న .. మ‌ల‌యాళీ బ్యూటీ క‌ళ్యాణి ప్రియ‌ద‌ర్శ‌న్ గురించే ఇదంతా. ఆ ఇద్ద‌రూ ప్ర‌స్తుతం మైత్రి మూవీ మేక‌ర్స్ నిర్మిస్తున్న సినిమాల్లో న‌టిస్తున్న సంగ‌తి తెలిసిందే. సాయిధ‌ర‌మ్ స‌ర‌స‌న `చిత్ర‌ల‌హ‌రి`లో క‌ళ్యాణి ప్రియ‌ద‌ర్శ‌న్ క‌థానాయిక‌. దేవ‌ర‌కొండ స‌ర‌స‌న `డియ‌ర్ కామ్రేడ్` లో న‌టిస్తోంది ర‌ష్మిక మంద‌న‌. ఆ రెండు సినిమాల్ని మైత్రి మూవీ మేక‌ర్స్ సంస్థ అత్యంత ప్రతిష్ఠాత్మ‌కంగా నిర్మిస్తోంది. ఆస‌క్తిక‌రంగా ఇద్ద‌రు క‌థానాయిక‌ల బ‌ర్త్ డే ఒకేరోజు కావ‌డంతో మైత్రి సంస్థ లో ఎమోష‌న‌ల్ మూవ్ మెంట్ క‌నిపిస్తోంది.

ప్ర‌స్తుతం ఆ ఇద్ద‌రికి హ్యాపి బ‌ర్త్ డే అంటూ అభిమానులు సోష‌ల్ మీడియాలో శుభాకాంక్ష‌లు చెబుతున్నారు. ఛ‌లో.. గీత గోవిందం చిత్రాల‌తో బ్లాక్ బ‌స్ట‌ర్ హీరోయిన్ గా చెర‌గ‌ని ముద్ర వేసిన ర‌ష్మిక మంద‌న `డియ‌ర్ కామ్రేడ్` కి ప్ల‌స్ అనుకుంటే, `హ‌లో` చిత్రంతో తెరంగేట్రం చేసి ట్రెడిష‌న‌ల్ బ్యూటీగా పేరు తెచ్చుకున్న క‌ళ్యాణి కి రెండో ప్ర‌య‌త్నం క‌లిసొస్తుందా? కెరీర్ కి బిగ్ బూస్ట్ ఇస్తుందా? అంటూ ఆస‌క్తిగా మాట్లాడుకుంటున్నారు. మ‌ల‌యాళ స్టార్ డైరెక్ట‌ర్ ప్రియ‌ద‌ర్శ‌న్ కుమార్తెగా క‌ళ్యాణి అంద‌రికీ సుప‌రిచితం. ఆ ఇద్ద‌రి బ‌ర్త్ డే ఒకేరోజు కావ‌డం యాథృచ్ఛికం. ఆ ఇద్ద‌రూ క‌లిసి స్నేహంగా ఉన్న ఫోటో అంత‌ర్జాలంలో వైర‌ల్ అవుతోంది. నేటి బ‌ర్త్ డే బేబీస్ కెరీర్ టాలీవుడ్ లో పెద్ద ఎత్తుకు ఎద‌గాల‌ని ఆకాంక్షిస్తూ.. శుభాకాంక్ష‌లు.