కళ్యాణ్ రామ్ త్రిబుల్ యాక్షన్!

నందమూరి కళ్యాణ్ రామ్ బింబిసార సినిమాతో బాక్సాఫీస్ వద్ద బలమైన సక్సెస్ అందుకున్న విషయం తెలిసిందే. తన కెరీర్ లోనే మొదటిసారి 50 కోట్ల నెంబర్ ను చూసిన ఈ హీరో ఇప్పుడు తదుపరి సినిమాల విషయంలో మరిన్ని జాగ్రత్తలు తీసుకుంటున్నాడు. ఈ సినిమాతో వచ్చిన విజయాన్ని అదే తరహాలో కొనసాగించాలని మరింతగా మార్కెట్ను పెంచుకోవాలని కూడా ఈ హీరో అడుగులు వేస్తున్నాడు.

కళ్యాణ్ రామ్ ప్రస్తుతం బడా బ్యానర్స్ లోనే ఎక్కువగా సినిమాలు చేస్తున్నాడు. ముఖ్యంగా మైత్రి మూవీ మేకర్స్ తో కూడా ఆయన అమిగోస్ అనే ఒక సినిమాను చేస్తున్న విషయం తెలిసిందే. ఆ సినిమాలో కళ్యాణ్ రామ్ మూడు విభిన్నమైన పాత్రలలో కనిపించబోతున్నాడు. అతని కెరీర్ లోనే ఈ సినిమా బిగ్గెస్ట్ మూవీ గా నిలుస్తుంది అని చిత్ర యూనిట్ సభ్యుల ద్వారా తెలిసింది.

ఇక అమిగోస్ సినిమాకు సంబంధించిన షూటింగ్ కూడా దాదాపు సగానికి పైగా పూర్తయింది. ఈ సినిమాకు కొత్త దర్శకుడు రాజేంద్రరెడ్డి దర్శకత్వం వహిస్తున్నాడు. కళ్యాణ్ రామ్ తన కెరీర్లో ఎక్కువగా కొత్త దర్శకులతోనే బాక్సాఫీస్ వద్ద మంచి విజయాలను సొంతం చేసుకున్నాడు. ఇక ఇప్పుడు ఈ దర్శకుడు కూడా అదే తరహాలో డిఫరెంట్ కంటెంట్ తో సక్సెస్ ఇస్తాడు అని కళ్యాణ్ రామ్ నమ్మకంతో ఉన్నాడు.

మైత్రి మూవీ మేకర్స్ కూడా ఈ సినిమా కోసం భారీగానే ఖర్చు చేస్తున్నట్లుగా తెలుస్తోంది. ఇప్పటివరకు ఇలాంటి స్టోరీతో ఏ హీరో కూడా సినిమా చేయలేదట. విభిన్నమైన తరహాలో యాక్షన్ ఎలివేషన్స్ తో పాటు ఒక డిఫరెంట్ థ్రిల్లర్ పాయింట్ ను కూడా చూపించబోతున్నట్లు సమాచారం. అమిగోస్ సినిమాలో సరికొత్త కళ్యాణ్ రామ్ ను చూస్తారని కూడా చెబుతున్నారు.

ఈ సినిమాకు ప్రముఖ టెక్నీషియన్స్ కూడా వర్క్ చేస్తూ ఉండడం విశేషం. ముఖ్యంగా జీబ్రాన్ ఈ సినిమాకు సంగీతం అందిస్తున్నాడు. త్వరలోనే సినిమాకు సంబంధించిన ఒక ప్రత్యేకమైన టీజర్ ను కూడా విడుదల చేయబోతున్నారు. మరి ఈ సినిమా బాక్స్ ఆఫీస్ వద్ద ఎలాంటి విజయాన్ని అందుకుంటుందో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.