కోలీవుడ్ లో మ‌రో క్రేజీ కాంబోకు రంగం సిద్ధం?

ద‌క్షిణాది సినిమా కూడా బాలీవుడ్ సినిమాలా ఒక విష‌యంలో మారుతోంది. బాలీవుడ్ లో గ‌త కొంత కాలంగా స్టార్ హీరోలు క‌లిసి మ‌ల్టీస్టార‌ర్ మూవీస్ చేస్తున్నారు. అయితే ఈ ట్రెండ్ ద‌క్షిణాదిలో ఇటీవ‌లే మొద‌లైంది. ద‌క్షిణాదిలో కూడా ఇద్ద‌రు స్టార్ హీరోలు క‌లిసి భారీ మ‌ల్టీస్టార‌ర్ మూవీస్ చేస్తున్నారు. రీసెంట్ గా విడుద‌లై వ‌ర‌ల్డ్ వైడ్ గా సంచ‌ల‌నం సృష్టించిన `RRR` త‌రువాత ఈ త‌ర‌హా సినిమాల ప‌రంప‌ర భారీగా మొద‌లు కాబోతోంది.

ఇటీవ‌ల యూనివ‌ర్స‌ల్ స్టార్ క‌మ‌ల్ హాస‌న్ న‌టించిన యాక్ష‌న్ థ్రిల్ల‌ర్ మూవీ `విక్ర‌మ్‌`లో క‌మ‌ల్ తో పాటు విజ‌య్ సేతుప‌తితో పాటు మ‌ల‌యాళ హీరో ఫ‌హ‌ద్ ఫాజిల్ కూడా న‌టించ‌డం తెలిసిందే. ఇదే పంథాలో కోలీవుడ్ లో ఓ క్రేజీ కాంబినేష‌న్ సెట్ కానున్న‌ట్టుగా వార్త‌లు వ‌స్తున్నాయి. అదే యూనివ‌ర్స‌ల్ స్టార్ క‌మ‌ల్ హాస‌న్‌, ఇళ‌య ద‌ళ‌ప‌తి విజ‌య్ క‌లిసి ఓ భారీ మూవీలో న‌టించే అవ‌కాశం వుంద‌ని తెలుస్తోంది. ఈ మూవీని `అసుర‌న్‌` మూవీతో జాతీయ అవార్డ్ అందుకున్న వెట్రిమార‌న్ తెర‌కెక్కిస్తార‌ట‌.

క‌మ‌ల్ హాస‌న్ సొంత నిర్మాణ సంస్థ రాజ్ క‌మ‌ల్ ఇంట‌ర్నేష‌న‌ల్ బ్యాన‌ర్ పై అత్యంత భారీ స్థాయిలో నిర్మించాల‌ని ప్లాన్ చేస్తున్నార‌ని కోలీవుడ్ వ‌ర్గాల్లో వినిపిస్తోంది. ప్ర‌స్తుతం విజ‌య్ సేతుప‌తి హీరోగా వెట్రి మార‌న్ `విడుద‌లై` మూవీని ని రూపొందిస్తున్నారు. రెండే భాగాలుగా రూపొందిస్తున్న ఈ మూవీ త్వ‌ర‌లోనే ప్రేక్ష‌కుల ముందుకు రాబోతోంది. ఈ మూవీ త‌రువాత సూర్య హీరోగా `వాడివాస‌ల్‌`ని తెర‌పైరి తీసుకురాబోతున్నాడు.

ఈ ఏడాది డిసెంబ‌ర్ నుంచి ఈ మూవీ సెట్స్ పైకి వెళ్ల‌నున్న‌ట్టు తెలిసింది. ఈ సినిమాల త‌రువాతే క‌మ‌ల్ , విజ‌య్ ల మ‌ల్టీస్టార‌ర్ మూవీ ప‌ట్టాలెక్క‌నుంద‌ని కోలీవుడ్ వ‌ర్గాల్లో వినిపిస్తోంది. కొంత కాలం క్రితం వెట్రిమార‌న్ ..క‌మ‌ల్‌, విజ‌య్ ల‌తో సినిమా చేయాల‌ని ఓ క‌థ వినిపించాడ‌ట‌. అదే క‌థ‌ని ఇటీవ‌ల ద‌ర్శ‌కుడు వెట్రిమార‌న్ .. హీరో విజ‌య్ కి వినిపించార‌ట‌. వెంట‌నే విజ‌య్ గ్రీన్ సిగ్న‌ల్ ఇచ్చిన‌ట్టుగా తెలిసింది. విజ‌య్ ప్ర‌స్తుతం లోకేష్ క‌న‌గ‌రాజ్ డైరెక్ట్ చేస్తున్న సినిమాలో న‌టిస్తున్న విష‌యం తెలిసిందే.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.