నన్ను యాంటీ ముస్లిం అన్నారు

అది ''విశ్వరూపం'' సినిమా రిలీజవుతున్న సమయం. అసలు ఇంకా సినిమాలో ఏముందో ఎవ్వరికీ తెలియదు. కాని సినిమా టైటల్ డిజైన్ మాత్రం ఉర్దూలో రాసినట్లు ఉంటుంది. ఆ ఒక్క హింటుతో తమిళనాడు ప్రభుత్వం కూడా చెలరేగిపోయింది. కొందరు ముస్లిం సంస్థల వారు ఈ సినిమాలో తమ మనోభావాలు దెబ్బతినేశాలా సీన్లు ఉన్నాయంటూ ఆరోపణలు చేయడంతో.. అసలు సినిమానే చూడకుండా రిలీజ్ అడ్డుకున్నారు. అప్పట్లో ఈ సినిమా హీరో డైరక్టర్ ప్రొడ్యూసర్ కమల్ హాసన్ చాలా దిగ్ర్భాంతి చెందారు.

''201లో విశ్వరూపం రిలీజ్ అప్పుడు.. చాలా రాష్ట్రాలు సినిమాను బ్యాన్ చేస్తామంటూ వార్నింగ్ ఇచ్చాయి కాని ఎవ్వరూ చెయ్యలేదు. కాని తమిళనాడు మాత్రం బ్యాన్ చేసింది. నేను 17 ఏళ్ళ క్రితం హేరామ్ సినిమా తీసినప్పుడు హిందువులు కోప్పడ్డారు. వారు వార్నింగులు ఇచ్చారు. ఇప్పుడు ముస్లింలు వార్నింగులు ఇస్తున్నారు. అప్పుడు కాషాయం హర్టయ్యింది ఇప్పుడు పచ్చ రంగు హర్టయ్యింది. కాని వీరి వాదనలో లాజిక్ లేదు'' అంటున్నారు కమల్. ''నా వరకు భారతీయులు అందరూ ఒక్కటే. మతంపరంగా నేను ఎవ్వరినీ చూడను. అందరం భారతీయులం. టెర్రరిజంకు వ్యతిరేకంగా నా పోరాటం కొనసాగుతుంది'' అంటూ ముగించారు.

ఇప్పుడు ''విశ్వరూపం 2'' ఫస్ట్ లుక్ పోస్టర్ రిలీజ్ చేసిన కమల్ హాసన్.. ఈ విధంగా కామెంట్లు చేశారు. నిజానికి ఆయన విశ్వరూపం 2 రిలీజ్ కు ముందు మరోసారి ఏమన్నా తగాదాలు చెలరేగుతాయా అని సినీలోకం కూడా కాస్త సందిగ్దంలోనే ఉంది.

Like Us on Facebook : https://www.facebook.com/Tupakidotcom/