తుది పనుల్లో కమల్ విశ్వరూపం

విశ్వనటుడు కమల్ హాసన్ అభిమానులకు ఇది కచ్చితంగా శుభవార్తే. డిఫరెంట్ సబ్జెక్టులను ఎంచుకుని సినిమాలు చేసే కమల్ హాసన్ నుంచి.. ఓ మూవీ వచ్చి ఏడాదిన్నరకు పైగా గడిచిపోయింది. తూంగావనం(తెలుగులో చీకటి రాజ్యం) 2015 దీపావళికి రిలీజ్ కాగా.. ఆ తర్వాత స్వీయ దర్శకత్వంలోనే ప్రారంభించిన శభాష్ నాయడు.. కమల్ కు యాక్సిడెంట్ కారణంగా పెండింగ్ లో పడిపోయింది.

2013లో విడుదలై సూపర్ హిట్ సాధించిన విశ్వరూపంకు ఇప్పుడు సీక్వెల్ ను రిలీజ్ చేయబోతున్నారు. నిర్మాణ కష్టాలన్నిటినీ అధిగమించి.. ఎట్టకేలకు తనే సొంతగా విడుదల చేసేందుకు కమల్ రెడీ అయ్యారు. రాజ్ కమల్ ఇంటర్నేషనల్ బ్యానర్ పై విడదుల చేస్తామని కమల్ హాసన్ స్వయంగా చెప్పగా.. ఇప్పుడు ఆ చిత్రానికి ఫినిషింగ్ వర్క్స్ జరుగుతున్నాయి. అంతర్జాతీయ టెర్రరిజం నేపథ్యంతో రూపొందిన ఈ చిత్రంపై మంచి అంచనాలే ఉన్నాయి. ఈ వయసులో కూడా కమల్ ఎంతో యాక్టివ్ గా చేసిన స్టంట్స్ తొలి భాగంలో అందరినీ ఆకట్టుకున్నాయి.

ప్రస్తుతం ఈ చిత్రానికి ప్యాచ్ వర్క్ టర్కీలో జరుగుతోంది. సోమవారం నాటికి ఈ వర్క్ అంతా ఫినిష్ అయిపోనుంది. అప్పుడు గ్లోబల్ టెర్రరిజంపై సినిమా తీయగా.. ఇప్పుడు ఇండియాలో టెర్రరిజంపై ఫోకస్ పెట్టి కథ నడవనుంది. రంజాన్ సందర్భంగా ఈ నెల 28న విశ్వరూపం2 టీజర్ ను విడుదల చేయబోతున్నారు. విశ్వరూపంలో పూజా కుమార్.. ఆండ్రియా.. రాహుల్ బోస్ లు కీలక పాత్రల్లో కనిపించనున్నారు.

Like Us on Facebook : https://www.facebook.com/Tupakidotcom/