ఎంత తెలిసినా ఈ యాక్టింగ్ తెలీద‌మ్మా

విశ్వ‌న‌టుడు క‌మ‌ల్‌ హాస‌న్ న‌టించిన చీక‌టిరాజ్యం రిలీజ్‌ కి వ‌స్తున్న సంగ‌తి తెలిసిందే. ఈ స్పై యాక్ష‌న్ థ్రిల్ల‌ర్‌. ఉత్కంఠ రేకెత్తించే యాక్ష‌న్‌ తో థ్రిల్లిచ్చే సినిమా ఇద‌ని క‌మ‌ల్ చెబుతున్నాడు. ఇప్ప‌టికే త‌మిళ్ వెర్ష‌న్ ప్ర‌చారం జోరుగా సాగించిన క‌మ‌ల్‌ హాస‌న్ ఇప్పుడు హైద‌రాబాద్‌ లోనూ అడుగుపెట్టాడు. ఈ సినిమా ప్ర‌మోష‌న్‌ ని హోరెత్తించేందుకు ఇక్క‌డే పార్క్ హ‌య‌త్ స్టార్ హోట‌ల్‌ లో పాగా వేశాడు. ఈరోజు ప్ర‌సాద్ లాబ్స్‌ లో ట్రైల‌ర్లు స‌హా వీడియోస్ చూపించి మ‌తి చెద‌ర‌గొట్టాడు. క‌మ‌ల్ ఈ వేదిక‌పై అదిరిపోయే స్పీచ్ ఇచ్చాడు.

కె.విశ్వ‌నాథ్ ద‌గ్గ‌ర సినిమాలు చేసేప్పుడు ఆయ‌న‌కు శిష్యుడిగా ప‌నిచేశాను. న‌టుడిగా - సెట్‌ లో అసిస్టెంట్ డైరెక్ట‌ర్‌ గా ప‌నిచేశా. ఈ సినిమాకి కూడా అసిస్టెంట్‌ లానే ప‌నిచేశా. ఐదేళ్లు ఎంబిబిఎస్ చేసిన రాజేష్ ఈ చిత్రానికి ద‌ర్శ‌క‌త్వం వ‌హించాడు. ఎంతో శ్ర‌మించాడు. ఏడేళ్ల‌లో రాటుదేలి ద‌ర్శ‌కుడిగా స‌త్తా చాటుకుంటున్నాడ‌ని త‌న ద‌ర‌క్శ‌కుడిని పొగిడేశాడు. అంతేకాదు.. ఇటీవ‌లి కాలంలో మీరెవ‌రూ చూడ‌నంత యాక్ష‌న్ ఈ సినిమాలో చూస్తారు. ట్రెమండ‌స్ యాక్ష‌న్ అద‌ర‌గొట్టేస్తుంది.. అని చెప్పారు. న‌వంబ‌ర్‌ లో సినిమాని రిలీజ్ చేస్తున్నామ‌ని అన్నారు. అంతేకాదు.. తెలుగులో భారీగా రిలీజ్ చేస్తున్నామ‌ని తెలిపారు. అస‌లు ప్ర‌మోష‌న్ ఊద‌ర‌గొట్టుడేంటి అని అనుకోకుండా క‌మ‌ల్ అన్న ఓ మాట అహూతుల్ని న‌వ్వించింది. ఎంత యాక్టింగ్ తెలిసినా ఈ యాక్టింగ్ తెలీద‌మ్మా ..అంటూ త‌న‌దైన శైలిలో న‌వ్వించారాయ‌న‌.

రాజ్‌ క‌మ‌ల్ ఇంటర్నేష‌న‌ల్ ఫిలింస్‌ లో ఇక తెలుగులో నేరుగా సినిమాలు తీస్తామ‌ని అన్నారు. మాట అన‌డం కాదు. తెలుగు, త‌మిల్ ద్విభాషా చిత్రాన్ని త్వ‌ర‌లోనే ప్రారంభించ‌బోతున్నామ‌ని క‌మ‌ల్‌ హాస‌న్ అన్నారు. క‌మ‌ల్ కాన్ఫిడెన్స్ చూస్తుంటే ఈసారి భారీ విజ‌యం త‌థ్యం అనిపిస్తోంది. త‌మిళ్‌ లో తూంగ‌వ‌నం - తెలుగులో చీక‌టిరాజ్యం ఒకేసారి రిలీజ్ చేయ‌డానికి ఆయ‌న స‌న్నాహాలు చేస్తున్నారు. న‌వంబ‌ర్ అంటే ఇంకో నెల మాత్ర‌మే గ్యాప్‌. వెయిట్ అండ్ సీ.