ఐదేళ్ల రికార్డును బ్లాస్ట్ చేసిన కమల్

విశ్వనటుడు కమల్ హాసన్ పనైపోయింది అని.. అతన్ని సినిమాలను ఎవ్వరు చూడరని..మార్కెట్ కూడా చాలా వరకు తగ్గిపోయింది అని మొన్నటి వరకు ఎన్నో కామెంట్స్ అయితే వచ్చాయి. కానీ కమల్ మాత్రం ఏమాత్రం పట్టు విడవకుండా డిఫరెంట్ ప్రాజెక్టుతో వస్తే తప్పకుండా ప్రేక్షకులు ఆదరిస్తారు అని విక్రమ్ సినిమా తో సరికొత్తగా బాక్సాఫీస్ ను బ్లాక్ చేశాడు.

లోకేష్ కనగ రాజ్ దర్శకత్వంలో తెరకెక్కిన విక్రమ్ సినిమా పూర్తిగా కమర్షియల్ హంగులతో లేకపోయినప్పటికీ కూడా ఈ సినిమా బాక్సాఫీస్ వద్ద ఊహించని రేంజ్ లో కలెక్షన్స్ అందుకోవడం విశేషం. గతంలో కమల్ ఇలాంటి విజయాలు ఎన్నో చూశారు. కానీ గడచిన పదేళ్లలో మాత్రం ఆయన వరుసగా ఎదుర్కొంటున్నా కూడా ఆయన రేంజ్ ఏమాత్రం తగ్గలేదు అని విక్రమ్ సినిమాతో మరోసారి నిరూపించారు.

ఈ సినిమా ఎంత బాగా సక్సెస్ అయ్యింది అంటే ఇప్పటివరకు తమిళ ఇండస్ట్రీలో ఉన్న అగ్ర హీరోలు ఎవరు కూడా అక్కడ బాహుబలి 2 రికార్డులను బ్రేక్ చేయలేకపోయారు. తమిళ ఇండస్ట్రీలో అత్యధిక మార్కెట్ ఉన్న హీరోల్లో విజయ్ అజిత్ రజనీకాంత్ కూడా ఉన్నారు. కానీ వారు గతంలో మాదిరిగా అయితే భారీ స్థాయిలో కలెక్షన్స్ అందుకోవడం లేదు.

ఇక గత ఐదేళ్ల క్రితం వచ్చిన బాహుబలి2 అక్కడ అ భారీ స్థాయిలో కలెక్షన్స్ అందుకును తమిళనాడులోనే అత్యధిక కలెక్షన్స్ అందుకున్న సినిమాగా నిలిచింది. అయితే ఇప్పుడు విక్రమ్ సినిమా కమల్ హాసన్ ఆ రికార్డును బ్రేక్ చేసేసాడు. కేవలం తమిళనాడులోనే విక్రమ్ సినిమా 150 కోట్ల కలెక్షన్స్ అందుకోవడం విశేషం.

ఇంతకుముందు బాహుబలి అదేస్థాయిలో రికార్డును అందుకోగా ఇప్పుడు అంతకంటే ఎక్కువగా విక్రమ 150కోట్లకు పైగా కలెక్షన్స్ అందుకుని నెంబర్ వన్ తమిళ సినిమాగా రికార్డును క్రియేట్ చేసింది. ఏదేమైనా కూడా స్థానికతను చాలా బాగా ఇష్టపడే తమిళ ప్రేక్షకులు కమల్ హాసన్ అగ్ర స్థానంలో నిలవడంతో ఆ విషయాన్ని సోషల్ మీడియాలో ఎక్కువగా హైలెట్ చేస్తున్నారు.