రాచకొండ సీతాదేవి... కేరాఫ్‌ ముంబై

కొత్త నీరు వచ్చి, పాత నీరు వెళుతుంటుంది. ఇదే ఫార్ములా సినీపరిశ్రమకి కూడా వర్తిస్తుంది. ఇక్కడ కథానాయికలు ఎవరూ శాశ్వతం కాదు. ఎప్పుడు ఏ కొత్త హీరోయిన్‌ ఎలా పాపులర్‌ అయిపోతారో తెలీదు. ఇప్పుడున్న నవతరం హీరోయిన్లలో రకూల్‌ ప్రీత్‌, రాశీ ఖన్నా ఓవర్‌ నైట్‌ స్టార్స్‌ గా ఎదిగిపోయారు. ఆ తర్వాత జనరేషన్‌లో వినిపించే పేర్లేవి? అంటే అందులో ఓ పేరు ప్రముఖంగా వినిపిస్తోంది.

మెగా హీరో వరుణ్‌ తేజ్‌ సరసన 'కంచె' సినిమాలో నటిస్తున్న ప్రగ్యా జైశ్వాల్‌ నేమ్‌ టాలీవుడ్‌ సర్కిల్స్‌ లోకి దూసుకెళ్లిపోయింది. ఈ అమ్మడి క్యూట్‌ లుక్స్‌, అప్పియరెన్స్‌ మన దర్శకనిర్మాతలకు పిచ్చిగా నచ్చేసిందిట. ఇటీవలే కంచె టీజర్‌, కొన్ని పోస్టర్లు మాత్రమే బైటికి వచ్చాయి. వీటిలో ప్రగ్య లుక్‌ చూసి పడిపోయినవారంతా ఫోన్‌ కాల్స్‌ తోనే ఎంపిక పూర్తి చేస్తున్నారట.

ప్రగ్య పేరుని కంచె దర్శకుడు క్రిష్‌ కూడా బాగానే ప్రమోట్‌ చేస్తున్నాడు. అమ్మడు కంచెలో రాచకొండ సీతాదేవిగా నటిస్తోంది. సినిమా రిలీజ్‌ తర్వాత ఈ పేరుతోనే టాలీవుడ్‌ లో పాపులర్‌ అయిపోతుందని క్రిష్‌ చెబుతున్నాడు. ప్రగ్య నటించిన మొట్టమొదటి సినిమా 'మిర్చి లాంటి కుర్రాడు'. ఆ సినిమాలో నటన నచ్చి కంచెలో ఛాన్సిచ్చాడు క్రిష్‌. కాకపోతే సినిమా ఢమాల్‌ అనడంతో అమ్మడి గురించి ఎక్కువ మందికి తెలియదు.