అన్నయ్యకి పోస్టర్.. తమ్ముడికి ట్రైలర్

బండ్ల గణేష్ ఆడియో వేడుకలో చెప్పినట్టుగానే వరుసపెట్టి ఐదు రోజులు హైదరాబాద్ లో మెగా వారోత్సవాల మాదిరిగా వైభవంగా వేడుకలు జరిగాయి. రామ్ చరణ్ టీజర్, మెగాస్టార్ పుట్టినరోజు వేడుకలు, సుబ్రహ్మణ్యం ఫర్ సేల్ ట్రైలర్ ఇలా వరుసపెట్టి అభిమానులను ఉక్కిరిబిక్కిరి చేశారు. ఇక ఇప్పుడు సెప్టెంబర్ లో జరగనున్న పవన్ కళ్యాణ్ పుట్టినరోజుపైనే అందరికళ్ళూ..

పవర్ స్టార్ ప్రస్తుతం రైతుల సమస్యలను, భూసేకరణ నష్టాలను స్వయంగా ప్రజలవద్దకు వెళ్లి అవగతం చేసుకుంటున్నాడు. మరోపక్క సర్దార్ గబ్బర్ సింగ్ సినిమా షూటింగ్ లో కూడా బిజీగా వున్నాడు. మెగా అభిమానులకు పవర్ స్టార్ పుట్టిన రోజున కూడా కనువిందు చేయడానికి కొన్ని బృందాలు సిద్ధమవుతున్నాయి.

బాబీ దర్శకత్వంలో సర్దార్ గబ్బర్ సింగ్ కి సంబంధించిన టీజర్ ఒకటి ఆరోజున విడుదలయ్యే సూచనలు కనిపిస్తున్నాయి. ఇక మెగాస్టార్ పుట్టినరోజుకి పోస్టర్ తో విషెస్ తెలిపిన క్రిష్ - వరుణ్ తేజ్ ల కంచె టీమ్ పవన్ కళ్యాణ్ జన్మదినం సందర్భంగా థియేట్రికల్ ట్రైలర్ ని విడుదలచేయనున్నారు. చూద్దాం ఇంకెన్ని విశేషాలు ఆ రోజున విడుదలకు సిద్ధమవుతున్నాయో..