కంచె ఫస్ట్‌ లుక్‌ అదిరింది గురూ

మెగా బ్రదర్‌ నాగబాబు తనయుడు వరుణ్‌ తేజ్‌ తొలి ఎటెంప్ట్‌ లో గెలిచాడు. మొదటి సినిమా ముకుందతో విషయం ఉన్న హీరో అన్న గుర్తింపు తెచ్చుకున్నాడు. ఒడ్డు, పొడుగు, అందం, అభినయం, ఆహార్యం అన్నీ బాగానే ఉన్నాయన్న టాక్‌ వచ్చింది. శ్రీకాంత్‌ అడ్డాల స్లో ఫేస్‌ సినిమాలో అతడే ప్రధాన ఆకర్షణ అయ్యాడు. అందుకే ఇప్పుడు అతడు నటిస్తున్న రెండో సినిమా 'కంచె'పై ఎంతో క్యూరియాసిటీ. మెగాభిమానులంతా ఎంతో ఆత్రంగా ఎదురు చూస్తున్న ఆ తరుణం రానే వచ్చింది. దర్శకుడు క్రిష్‌ ఫస్ట్‌ లుక్‌ రిలీజ్‌ చేశాడు. పోస్టర్‌ అదిరిపోయింది.

పోస్టర్‌ లో డార్క్‌ షేడెడ్‌ కలరింగ్‌ తో క్యూరియాసిటీ మరింత పెరిగేలా చేశాడు. అందులో కనిపిస్తున్న హీరోని చూశాక 'తిరుగుబాటు దారుడు' అని ఇట్టే అర్థమైపోయింది. తుపాకి ఎత్తిపెట్టిన ఎర్రసూరీడులా కనిపిస్తున్నాడు. నక్సలైటా? విప్లవకారుడా? అన్న సందేహాలొచ్చాయి. అంతేకాదండోయ్‌ బ్యాక్‌ డ్రాప్‌ లో పరిశీలిస్తే ఒక లేఖ, అందులో హ్యాండ్‌ రైటింగ్‌ లో ఏదో రాసి ఉంది. ప్రియమైన అంటూ మొదలైంది. ఒక అందమైన ప్రేమకథ కూడా ఉంది అని సింబాలిక్‌ గా ప్రేమికుల జంటను చూపించాడు. అమ్మాయి-అబ్బాయి .. సైకిల్‌ పయనం .. ముచ్చట్లు.. పోస్టర్‌ లో ఆవిష్కరించారు. ఇది చూస్తే విప్లవం, ప్రేమ రెండిటినీ కలబోసిన కథాంశమిదని తెలిసిపోతోంది. కంచె పోస్టర్‌ సంథింగ్‌ స్పెషల్‌ అనడంలో సందేహమే లేదు. ఎ ఫిలిం బై క్రిష్‌ అంటూ పోస్టర్‌ పై వేయడం కాన్ఫిడెన్స్‌ లెవల్‌ ని పెంచింది.

ఫస్ట్‌ ఫ్రేమ్‌ ఎంటర్‌ టైన్‌ మెంట్స్‌ పతాకంపై బైబో శ్రీనివాస్‌ ఈ చిత్రాన్ని సమర్పిస్తున్నారు. ఆగష్టు 15న టీజర్‌ రిలీజ్‌ చేస్తున్నట్టు పోస్టర్‌ పైనే ముద్రించారు. వై రాజీవ్‌ రెడ్డి, వై సాయిబాబు సంయుక్తంగా నిర్మిస్తున్నారు.