ఒక ఫోటోతో కంగనా చెప్పిన సీక్రెట్

హృతిక్ రోషన్ - కంగనా రనౌత్ ల మధ్య బ్రేకప్ వ్యవహారం చాలా దూరం వెళ్లిపోయిన సంగతి తెలిసిందే. పోలీసులు - కేసులు - లీగల్ నోటీసులు - కోర్టుల వరకూ సీన్ వెళ్లిపోతుండడంతో.. ఇప్పుడు ఒకరిపై ఒకరు బురద చల్లే ప్రయత్నం బాగానే చేస్తున్నారు. కంగనా పంపిన ఈమెయిల్ వేధింపులు అంటూ.. హృతిక్ కొన్ని మెయిల్స్ లీక్ చేయడం.. ఈ వివాదాన్ని తారాస్థాయికి చేర్చింది. ఇప్పుడీ మంటను మరింతగా రాజేస్తోంది కంగనా రనౌత్.

అసలు తన క్లయింట్ హృతిక్ రోషన్ కు, కంగనాకు మధ్య రెండు సినిమాల్లో కలిసి నటించిన అనుబంధం తప్ప.. వేరే ఏ విధమైన రిలేషన్ లేదని అంటున్నాడు ఈ హీరో లాయర్. ప్రొఫెషనల్ గా తప్ప.. సామాజికంగా కానీ, వ్యక్తిగతంగా కానీ.. మరే విధమైన అనుబంధం లేదని తేల్చేశాడు. అయితే తన క్లయింట్ కంగనాకు - హృతిక్ కి రిలేషన్ ప్రూవ్ చేయడానికి తమ దగ్గర బోలెడన్ని ఆధారాలున్నాయన్నది ఆమె తరపు లాయర్ వాదన.

అందుకే హృతిక్ కి కౌంటర్ గా.. వీరిద్దరూ అత్యంత క్లోజ్ గా ఉన్న ఓ ఫోటోను లీక్ చేశారు కంగనా సన్నిహితులు. అందులో కంగనను వెనకనుంచి పట్టుకుని మెడపై ముద్దాడుతున్నాడు హృతిక్. చూసేందుకు ఇదేదో ప్రైవేట్ పార్టీ అనిపించేలా ఉంది. లేకపోతే.. రిహార్సల్స్ టైం అంటూ కొట్టి పడేసే ఛాన్స్ కూడా ఉంది. ఈ ఒక్క ఫోటోతో రిలేషన్ ప్రూవ్ చేసే ఛాన్స్ లేకపోయినా.. ఇన్నాళ్లు అసలు కంగన దగ్గర ఎలాంటి ఆధారం లేదని అనుకుంటున్న టైంలో.. ఎంతో కొంత మేటర్ అయితే ఉందనే విషయం మాత్రం ఇప్పుడు అర్ధమవుతోంది.