జ‌య‌ ల‌లిత - ఐశ్వ‌ర్య‌ల‌ పై కంగ‌నా హాట్ కామెంట్స్!

ఒక‌వైపు జ‌య‌ల‌లిత బ‌యోపిక్ అని ప్ర‌చారం పొందుతున్న సినిమాలో టైటిల్ రోల్ లో న‌టిస్తూ ఉంది కంగ‌నా ర‌నౌత్. ఇప్ప‌టికే ఈ సినిమాకు సంబంధించి లుక్స్ విడుద‌ల అయ్యాయి. వాటిపై మిశ్ర‌మ స్పంద‌న వ‌చ్చింది. మొద‌టి లుక్ విష‌యంలో తీవ్ర విమ‌ర్శ‌లు వ‌చ్చాయి. రెండో లుక్ మాత్రం ఫ‌ర్వాలేద‌నిపించుకుంది. మొద‌టి లుక్ లో జ‌య‌కు, కంగ‌నాకు ఏ మాత్రం పొంత‌న లేక‌పోవ‌డంతో.. నెటిజ‌న్లు ట్రోల్ చేశారు. ఇక ఈ సినిమా విడుద‌ల అయితే కానీ.. ఆ క‌థేంటో తేల‌దు.

ఆ సంగ‌త‌లా ఉంటే.. జ‌య‌ల‌లిత మీద త‌న కామెంట్స్ ను పాస్ చేస్తూ ఉంది కంగ‌నా. ఇది వ‌ర‌కే జ‌య‌ల‌లిత మీద వివిధ కామెంట్స్ చేసిందామె. ఈ క్ర‌మంలో మ‌రోసారి జ‌య‌ల‌లిత‌ను ఒకింత కీర్తించింది. జ‌య‌ల‌లిత చాలా గ్లామ‌ర‌స్ అని అంటోంది కంగ‌నా. త‌ను అంత జ‌య‌ల‌లిత స్థాయి గ్లామ‌ర‌స్ కాద‌ని కూడా చెబుతోంది.

జ‌య‌ల‌లిత చాలా గ్లామ‌ర‌స్ అని, ఆమె గ్లామ‌ర్- ఐశ్వ‌ర్య‌రాయ్ గ్లామ‌ర్ ఒకే స్థాయిలో ఉంటాయ‌ని కంగనా అభిప్రాయ‌ ప‌డింది. వారిద్ద‌రూ స‌మాన స్థాయి గ్లామ‌రస్ న‌టీమ‌ణుల‌ని, త‌ను మాత్రం వారి స్థాయి గ్లామ‌ర‌స్ తారామ‌ణి కాద‌ని త‌న‌ను త‌ను వారి ముందు త‌క్కువ చేసుకుంది కంగ‌నా.

నిజానికి కంగ‌నా ఏమీ త‌క్కువ గ్లామ‌ర‌స్ కాదు. ఈమె చాలా హాట్ అని అనేక‌మంది ఒప్పుకుంటారు. అయినా కంగ‌నా మాత్రం త‌న స్థాయిని త‌గ్గించుకుని మాట్లాడింది. జ‌య‌లలిత‌, ఐశ్వ‌ర్య‌ల గ్లామ‌ర్ త‌న‌కు లేద‌ని అంటోంది. అయినా త‌ను జ‌య‌ల‌లిత బ‌యోపిక్ లో న‌టిస్తూ ఉంది క‌దా!