'తలైవి'గా కనిపించడం.. నటించడంతోనే కష్టం పూర్తి అవ్వలేదట

తమిళనాడు మాజీ ముఖ్యమంత్రి జయలలిత బయోపిక్ తలైవి విడుదలకు సిద్దం అవుతుంది. పాన్‌ ఇండియా మూవీగా రూపొందిన 'తలైవి' పోస్ట్‌ ప్రొడక్షన్‌ వర్క్‌ జరుగుతున్నట్లుగా సమచారం అందుతోంది. పెద్ద ఎత్తున తలైవిని సౌత్‌ అన్ని భాషలతో పాటు ఉత్తరాదిన విడుదల చేసేందుకు గాను సన్నాహాలు చేస్తున్నారు. అందుకోసం డబ్బింగ్ ను చేస్తున్నారు. హిందీలో కంగనా తన పాత్రకు డబ్బింగ్‌ చెప్పిందట. అమ్మగా కనిపించడంతో పాటు అద్బతంగా ఆమెను మరిపించేందుకు అన్నట్లుగా నటించే ప్రయత్నం చేసిన కంగనా డైలాగ్స్ విషయంలో కూడా అమ్మను మరిపించేందుకు ప్రయత్నించిందట.

డబ్బింగ్‌ ను చెప్పే సమయంలో జయలలిత డైలాగ్‌ మాడ్యులేషన్ మరియు ఆమె రాజకీయాల్లోకి వెళ్లిన తర్వాత మాట్లాడిన తీరు ఇంకా ఇతర విషయాలను దృష్టిలో పెట్టుకుని డబ్బింగ్‌ చెప్పించారట. మొత్తం అయిదు వేరియేషన్స్ లో కంగనా ఈ సినిమాలో కనిపించబోతుంది. ప్రతి వేరియేషన్ లో కూడా వాయిస్ లో మార్పు చేర్పులు చేసినట్లుగా చెబుతున్నారు. మొత్తానికి డబ్బింగ్‌ చెప్పడం కు కూడా కంగనా చాలా కష్టపడ్డట్లుగా ఇండస్ట్రీ వర్గాల ద్వారా సమాచారం అందుతోంది. జాతీయ అవార్డు దక్కించుకున్న కంగనా నటించిన సినిమా అవ్వడంతో తలైవిపై దేశ వ్యాప్తంగా అంచనాలు ఆకాశాన్ని తాకేలా ఉన్నాయి. ముఖ్యంగా సౌత్ లో జయలలిత అభిమానులు మరియు ఆమె గురించి తెలిసిన వారు సినిమా ఎలా ఉంటుందా అంటూ ఎదురు చూస్తున్నారు.