క్వీన్‌ తో క్రిష్ గొడ‌వ‌లు నిజ‌మా?

క్వీన్ కంగ‌న‌తో ద‌ర్శ‌కుడు క్రిష్ గొడ‌వ ప‌డ్డాడా? అందుకే మ‌ణిక‌ర్ణిక షూటింగ్ మ‌ధ్య‌లో వ‌దిలేసి ఇటువైపు వ‌చ్చేశాడా? క‌్రిష్ స్థానంలో వేరొక ద‌ర్శ‌కుడిని కంగ‌న అపాయింట్ చేసుకోనుందా?... ప‌్ర‌స్తుతం బాలీవుడ్‌ లో హాట్ టాపిక్ ఇది. ఓవైపు మ‌ణిక‌ర్ణిక చిత్రీక‌ర‌ణ సాగుతుండ‌గానే కంగ‌న‌ను హ‌డావుడి పెట్టేసి, ఎన్టీఆర్ బ‌యోపిక్ కోసం ఇటు ప‌రిగెత్తుకొచ్చాశాడ‌ని, ఆ క్ర‌మంలోనే `మ‌ణిక‌ర్ణిక` చిత్రీక‌ర‌ణ ఆల‌స్య‌మైపోతోంద‌ని ప్ర‌చార‌మ‌వుతోంది.

ఇదే విష‌య‌మై నేరుగా క్వీన్ కంగ‌న‌ను ప్ర‌ఖ్యాత ముంబై మిర్ర‌ర్ ప్ర‌శ్నించింది. అయితే దీనికి కంగ‌న అంతే తెలివిగా ష‌టిల్డ్‌ గా ఆన్స‌ర్ చేసింది. అబ్బెబ్బే అలాంటిదేం లేదు. అక్క‌డ సంక్రాంతికి క్రిష్ సినిమా ఒక‌టి రిలీజ్ కావాల్సి ఉంది. అది త‌న‌కు చాలా ఇంపార్టెంట్! అంటూ చాలానే క‌వ‌ర్ చేసేసింది. జ‌న‌వ‌రి 11న రిలీజ్ తేదీ పెట్టుకున్నారు. ఆ త‌ర్వాత త‌న కాల్షీట్లు నాకు ద‌క్కుతాయేమో! అంటూ చెప్పుకొచ్చింది. త‌మ మ‌ధ్య మ‌న‌స్ఫ‌ర్థ‌లు అంటూ సాగుతున్న ప్ర‌చారంలో నిజం లేద‌ని తెలిపింది.

కంగ‌న న‌టిస్తున్న `మ‌ణిక‌ర్ణిక` ఫ‌స్ట్‌ లుక్ పోస్ట‌ర్ ఆగ‌స్టు 15న స్వాతంత్య్ర దినోత్స‌వ కానుక‌గా రిలీజైన సంగ‌తి తెలిసిందే. 2019 రిప‌బ్లిక్ డే లేదా ఇండిపెండెన్స్ డే రోజున మ‌ణిక‌ర్ణిక చిత్రాన్ని రిలీజ్ చేయాల‌న్న‌ది కంగ‌న ప్లాన్. కానీ క్రిష్ ఎన్టీఆర్ బ‌యోపిక్ కోసం ఇటువైపు వ‌చ్చేయ‌డంతో మ‌ణిక‌ర్ణిక షెడ్యూల్స్‌ కి బ్రేక్ ప‌డింది. దీంతో కంగ‌న సీరియ‌స్‌ గా ఉంద‌న్న‌ది ముంబై మిర్ర‌ర్ ప్ర‌శ్న సారాంశం. ఇక‌పోతే మ‌ణిక‌ర్ణిక కోసం ప్రాణం పెట్టేస్తాను. ఇదే నా స‌ర్వ‌స్వం.. అందుకే షెడ్యూల్స్‌ ని మార్చినా అంగీక‌రించాన‌ని కంగ‌న చెబుతోంది. మొత్తానికి ఏదో జ‌రుగుతోంది! అన్న హింట్ మాత్రం క్లియ‌ర్‌ క‌ట్‌ గా దొరికిపోయింది. అస‌లింత‌కీ ఏం జ‌రుగుతోంది?