తెలుగు దర్శకుడికి కంగనా సర్‌ ప్రైజ్‌

సినిమాల్లో ఏ స్థాయి తారలైన ఫైనల్ గా డైరెక్టర్ చెప్పిందే చేయాల్సి ఉంటుంది. నలుగురు కలిసి చేసే పనిని అందరు కలిసి కట్టుగా చేస్తేనే తొందరగా అయిపోతుంది. సినిమా ఇండస్ట్రీలో అయితే ఈ తరహా అనుబంధం చాలా అవసరం. ముఖ్యంగా దర్శకులకు నటి నటులకు మధ్య మంచి రిలేషన్ ఉంటేనే సినిమా అవుట్ ఫుట్ అనుకున్నట్టుగా వస్తుందని ప్రతి ఒక్క సినీ టెక్నీషియన్స్ చెబుతుంటారు. మన తెలుగు ఇండీస్ట్రీలో అలాంటి రిలేషన్స్ చాలానే ఉన్నాయి.

వేదం - కృష్ణం వందే జగద్గురుమ్ సినిమాలతో గుర్తింపు తెచ్చుకొని గౌతమి పుత్ర శాతకర్ణి తో రికార్డ్ హిట్ ని అందుకున్న దర్శకుడు క్రిష్ కూడా ఇప్పటివరకు తనతో పనిచేసిన నటి నటులతో చాలా క్లోజ్ గా ఉంటాడు. అయితే ప్రస్తుతం క్రిష్ బాలీవుడ్ లో కంగనా రనౌత్ తో మణికర్ణిక అనే సినిమాను తెరకెక్కిస్తోన్న సంగతి తెలిసిందే. ప్రస్తుతం సినిమా షూటింగ్ జోధ్‌పూర్‌లో జరుగుతోంది. అయితే షూటింగ్ జరుగుతుండగా కంగనా దర్శకుడికి సడన్ సర్‌ ప్రైజ్‌ ఇచ్చిందట.

వెంటనే షూటింగ్ యూనిట్ ని అందరిని పిలిచి కేక్ వారి ముందు ఉంచిందట. ఎందుకంటే ఈ రోజు క్రిష్ బర్త్ డే కావడంతో అందరు విషెస్ చెప్పారు. కానీ కంగనా మాత్రం ఏకంగా కేక్ తెప్పించి పుట్టిన రోజు వేడుకను జరిపింది. మణికర్ణిక లో కంగనా ఝాన్సీ రాణి పాత్రలో కనిపించనుంది. అయితే క్రిష్ కి బర్త్ డే కేక్ తెప్పించిందంటే వీరి మధ్య స్నేహం ఎంత బలపడిందో అర్ధం చేసుకోవచ్చు.