కామెడీ అనుకుంటే గ్లామర్ దంచేశారే

దర్శకేంద్రుడు రాఘవేంద్రరావు రావు కుమారుడిగా ప్రకాష్ కోవెలమూడి మార్నింగ్ రాగ సినిమాతో జాతీయ స్థాయి సినిమా లో నటించి.. ఆ తరువాత తన తండ్రి అడుగుజాడలలో నడుద్దాం అని డైరెక్షన్ వైపు మొగ్గాడు. తెలుగులో తీసిన అనగనగా ఒక ధీరుడు, సైజ్ జీరో వంటివి పెద్దగా ఆకట్టుకోకపోయినా పర్లేదు అనిపించాడు. ఇప్పుడు ఇతను బాలీవుడ్ పై కన్నేశాడు.

క్వీన్ కంగనా రనౌత్ తో 'మెంటల్ హై క్యా' అనే టైటిల్ తో ఒక సినిమా తీయబోతున్నాడు. ఇది ఒక కామెడీ ఎంటర్టైనర్ గా రాబోతుండగా ఇందులో క్వీన్ తర్వాత మళ్ళీ రాజ్ కుమార్ రావ్ తన హీరోయిన్ కంగనా తో జతకట్టనుండటం విశేషం. ఆ టైటిల్ ని వినగానే అందరూ దీనిని ఒక మెంటల్ కామెడీ సినిమా అనుకున్నారు. పైగా మానసిక ఆరోగ్యంపై ఇదో కామెడీ టేక్ అని మేకర్లు చెప్పడంతో.. అది కరక్టే అనిపించింది. కాని రిలీజ్ అయిన పోస్టర్లు చూస్తే మాత్రం షాక్ అవుతున్నారు జనాలు. ఇందులో రాజ్ కుమార్ రావు పోస్టర్ లో అతను మొహానికి ప్లాస్టర్స్ అతికించుకుని కామెడీగానే ఉన్నా ఇంకో పోస్టర్ లో కంగనా మాత్రం బికినీ లో హడావిడి చేస్తోంది. ఈ పోస్టర్లు ముఖ్యంగా కంగనా పోస్టర్ ఇప్పుడు సోషల్ మీడియా లో వైరల్ గా మారాయి.

మొత్తానికి ప్రకాష్.. కంగనా గ్లామర్ మొత్తం దట్టించేసి సినిమా తీస్తున్నట్టు అనిపిస్తుంది. సైకలాజికల్ థ్రిల్లర్ గా ఱొపుదిద్దుకుంటున్న ఈ సినిమాను బాలాజీ మోషన్ పిక్చర్స్, కర్మ మీడియా అండ్ ఎంటర్టైన్మెంట్స్ కలిసి నిర్మిస్తున్నాయి.