వీడియో: ఊరంతా అనుకునేలా రాశీ..

ప్ర‌స్తుత మా అధ్య‌క్షుడు.. సీనియ‌ర్ న‌టుడు న‌రేష్ వార‌సుడు న‌వీన్ విజ‌య‌కృష్ణ న‌టించిన తాజా చిత్రం `ఊరంతా అనుకుంటున్నారు`. బాలాజీ సాన దర్శకుడు. నవీన్ - అవసరాల శ్రీనివాస్‌- మేఘా చౌదరి- సోఫియా సింగ్‌ ప్రధాన పాత్రల్లో నటించారు. రోవాస్కైర్‌ ఎంటర్‌టైన్‌మెంట్స్‌ బ్యానర్‌పై శ్రీహరి మంగళంపల్లి- రమ్య గోగుల- పి.ఎల్‌.ఎన్‌. రెడ్డి ఈ చిత్రాన్ని నిర్మించారు. అన్ని ప‌నులు పూర్తి చేసుకుని అక్టోబర్‌ 5న ప్రేక్షకుల ముందుకు రాబోతోంది.

ప్ర‌చారంలో భాగంగా రాశీ ఖ‌న్నా ఆల‌పించిన `కన్నా..` అనే సాంగ్ ను విడుదల చేశారు. హీరోయిన్ రాశీఖన్నా అద్భుత‌మైన స్వ‌రాలాపన ఆద్యంతం ఆక‌ట్టుకుంది. అనురాగ్ కులకర్ణితో కలిసి ఆమె ఈ పాటను పాడారు. కె.ఎమ్. రాధాకృష్ణన్ సంగీతం అందించిన ఈ పాటకు వనమాలి సాహిత్యం అందించారు.

ప‌ల్లె వాతావ‌ర‌ణం .. ముక్కోణ‌పు ప్రేమ‌క‌థ‌తో తెర‌కెక్కిన చిత్ర‌మిద‌ని విజువ‌ల్స్ చూస్తుంటే అర్థ‌మ‌వుతోంది. అవ‌స‌రాల పాత్ర ఏమిట‌న్న‌ది స‌స్పెన్స్. ఇక బాల్యంలో స్నేహితులు పెద్ద‌య్యే క్ర‌మంలో ప్రేమ‌లో ప‌డితే ఆ త‌ర్వాత పెద్ద‌రికాల వ‌ల్ల ఏం జ‌రిగింది? అన్న‌దే ఈ సినిమా. విలేజ్ వాతావ‌ర‌ణంలో సైకిల్ కాంపిటీషన్స్ వ‌గైరా ఆస‌క్తిని క‌లిగిస్తున్నాయి. ముఖ్యంగా క‌న్నా పాట ఎంతో ఆహ్లాదంగా సాగింది. ఇందులో స‌హ‌జ‌న‌టి జ‌య‌సుధ మ‌రోసారి త‌ల్లి పాత్ర‌లో న‌టించారు.