సంగీతకు సోషల్ మీడియా టార్చర్

సోషల్ మీడియా అందుబాటులోకి వచ్చాక.. జనాలతో అభిమానులతో కనెక్ట్ అయి ఉండేందుకు సెలబ్రిటీలకు అవకాశం లభించింది. అయితే.. ఇదే సోషల్ మీడియా చాలామందికి కంటిమీద కునుకు లేకుండా చేసిన సందర్భాలు కూడా ఉంటాయి. ఎక్కువగా అందాల భామలకు ఇలాంటి ఇబ్బందులు ఎదురవుతూ ఉంటాయి. చాలామంది ఈ విషయంలో సైలెంట్ గా ఉండిపోతుంటారు కానీ.. అలా రియాక్ట్ కాకపోవడం కూడా ఒక్కోసారి మరింత రెచ్చిపోవడానికి కారణం అవుతూ ఉంటుంది.

కన్నడ మూవీ ఈరాడనే సాలా చిత్రంతో ఆకట్టుకున్న భామ సంగీతా భట్ కు ఇలాంటి సమస్యే ఎదురవుతోంది. ఈమె ఫోటోలను మార్ఫింగ్ చేసి ఇంటర్నెట్ లో పెట్టేస్తున్నారు. 'నా బికినీ ఫోటోలను పంపాలంటూ.. నాకు ఓ అమ్మాయి అకౌంట్ నుంచి మెసేజెస్ వస్తున్నాయి. నేను ఆ అకౌంట్ ను బ్లాక్ చేసి.. ఇన్ స్టాగ్రామ్ కి రిపోర్ట్ చేశాను. ఇప్పుడు అదే కథ ఫేస్ బుక్ లో రిపీట్ అవుతోంది. ఒక అమ్మాయి ఇంకో అమ్మాయిని ఇలా అడుగుతుందా అని ఆశ్చర్యం వేస్తోంది. ఆ అకౌంట్ రియల్ ఆర్ ఫేక్ అన్నది తెలియదు. కానీ యాక్ట్రెస్ లను ఇలా చూడకండి.. మేమూ మనుషులమే' అంటోంది సంగీతా భట్.

ఇప్పటికే ఈ అంశంపై సైబర్ విభాగానికి ఫిర్యాదు చేసినట్లు చెప్పిన సంగీత.. చట్టపరమైన చర్యలు తప్పకుండా తీసుకుంటానని అంటోంది. సైబర్ క్రైమ్ పోలీసులు ఆ అకౌంట్ ఎవరితో కనిపెడతారని భావిస్తున్నట్లు చెప్పింది.

Like Us on Facebook : https://www.facebook.com/Tupakidotcom/