తెలుగులోకి దూసుకువ‌స్తున్న క‌న్న‌డ హీరోలు...!

క‌న్న‌డ ప‌రిశ్ర‌మ‌పై టాలీవుడ్ ప్ర‌భావం చాలా ఎక్కువ‌. మ‌న సినిమాల‌కు ఉండే క్రేజు వేరు. తెలుగు స్టార్ హీరోల సినిమాలు క‌ర్ణాట‌కలో కూడా రిలీజై బాగానే డ‌బ్బులు వ‌సూలు చేస్తుంటాయి. అయితే నిన్న మొన్న‌టి వ‌రుకు కన్న‌డ‌లో డ‌బ్బింగ్ సినిమాల‌కు చోటు లేదు. ఈ మ‌ధ్యనే ఆ వెసులుబాటు క‌న్న‌డ చిత్ర ప‌రిశ్ర‌మ తీసుకొచ్చింది. దీంతో క‌న్న‌డ‌లో కూడా మ‌న తెలుగు హీరోలు త‌మ సినిమాల్ని డ‌బ్ చేసి వ‌దిలేందుకు ప్ర‌య‌త్నిస్తున్నారు.

ప్ర‌భాస్ త‌ప్ప ఇన్నాళ్లు ప‌రిమితుల వ‌ల్ల‌ ఆ ఫీట్ ఎవ్వ‌రూ ట్రై చేయ‌లేదు. ఈ మ‌ధ్యే అల్లు అర్జున్ కూడా స్టార్ట్ చేశాడు. పుష్ప‌తో ఎంట్రీ ఇస్తున్నాడు. ఇది ప‌క్క‌న‌పెడితే క‌న్న‌డ స్టార్ హీరోలు మాత్రం తెలుగు మార్కెట్ పై డైరెక్ట్ గా దండ‌యాత్ర చేస్తున్నారు.

య‌శ్ కి ఆల్రెడీ కేజీఎఫ్ కార‌ణంగా తెలుగులో కూడా క్రేజ్ వ‌చ్చేసింది. కేజీఎఫ్ సీక్వెల్ పై ఇంకా భారీ హైప్ పెరిగింది ఇక్క‌డ‌. ఇప్పుడు మ‌రో క‌న్న‌డ స్టార్ హీరో ద‌ర్శ‌న్ తెలుగులోకి రావాల‌ని ట్రై చేస్తున్నాడు. ఇప్ప‌టికే కురుక్షేత్ర సినిమాతో తెలుగులోకి ఓ మోస్తారు ఎంట్రీ ఇచ్చిన ద‌ర్శ‌న్ .. త్వ‌ర‌లోనే రాబ‌ర్ట్ అనే సినిమాతో బ‌రిలో దిగుతున్నాడు. 100 కోట్ల బ‌డ్జెట్ తో ఈ సినిమా రెడీ అయింద‌ని తెలిసింది. దీనిని బ‌ట్టి చూస్తే కేజీఎఫ్ 2 త‌ర్వాత క‌న్న‌డ నుంచి రిలీజ‌వుతున్న అతి భారీ పాన్ ఇండియా చిత్రం రాబ‌ర్ట్ అనే భావించాలి. మొత్తానికి ద‌ర్శ‌న్ స‌డెన్ స్టార్ లా ఎంట్రీ ఇస్తున్నాడ‌న్న‌మాట‌.