య‌ష్ నుంచి ఆ రోజు ఫ్యాన్స్ కి బిగ్ స‌ర్ ప్రైజ్?

కేజీఎఫ్ సిరీస్ సినిమాల‌తో క‌న్న‌డ రాకింగ్ స్టార్ య‌ష్ ఇండియ‌న్ సినిమాలో వ‌న్ ఆఫ్ ది బిగ్గెస్ట్ స్టార్ గా పేరు తెచ్చుకున్నాడు. ఈ సిరీస్ సినిమాల‌తో య‌ష్ ఇండియ‌న్ బాక్సాఫీస్ వ‌ద్ద చేసిన హంగామా అంతా ఇంతా కాదు. ఈ ఏడాది అత్యంత భారీ స్థాయిలో విడుద‌లైన `కేజీఎఫ్ 2` బాక్సాఫీస్ వ‌ద్ద రికార్డు స్థాయి వ‌సూళ్ల‌ని రాబ‌ట్టి సంచ‌ల‌నం సృష్టించింది. ఈ నేప‌థ్యంలో య‌ష్ త‌దుప‌రి సినిమా ఎవ‌రితో అనే ఆస‌క్తి అంద‌రిలోనూ మొద‌లైంది.

అయితే `కేజీఎఫ్ 2` త‌రువాత చాలా కూల్ గా క‌నిపిస్తున్న య‌ష్ ఫ్యామిలీతో క‌లిసి ప‌లు దేశాల్లో ప్ర‌త్యేకంగా వెకేష‌న్ కి వెళుతూ అక్క‌డ ఎంజాయ్ చేస్తున్నాడు. ఇందుకు సంబంధించిన ప‌లు ఫొటోలు, వీడియోల‌ని అభిమానుల తో పంచుకుంటున్నారు. అయితే రీసెంట్ గా ఫిల్మ్ కంపానియ‌న్ తో ప్ర‌త్యేకంగా ముచ్చ‌టించిన రాఖీభాయ్ త‌న త‌దుప‌రి ప్రాజెక్ట్ గురించి ప‌లు ఆస‌క్తిక‌ర వ్యాఖ్య‌లు చేశాడు.

`కేజీఎఫ్ 2` సంచ‌ల‌న విజ‌యం త‌రువాత త‌న నుంచి నెక్స్ట్ ప్రాజెక్ట్ ఏంటీ?.. అది ఎప్పుడు ఎవ‌రితో మొద‌ల‌వుతుంద‌ని అభిమానులు ఆస‌క్తిగా ఎదురుచూస్తున్నార‌న్నాడు. అంతే కాకుండా ఫ్యాన్స్ నా నెక్స్ట్ ప్రాజెక్ట్ విష‌యంలో సంయ‌మ‌నం పాటించాల‌న్నాడు. ఇక కేజీఎఫ్ 2 స‌క్సెస్ సెల‌బ్రేష‌న్స్ చేసుకోలేదు ఎందుక‌ని ప్ర‌శ్నిస్తే.. నువ్వు రాజువ‌ని తెలిస్తే ఆ విష‌యాన్ని ప‌దే ప‌దే చెప్పాల్సిన ప‌ని లేద‌ని, అలా చేస్తే నువ్వు కింగ్ వి కాద‌ని అర్థ‌మ‌ని, అలాగే నా కంటే ఎంతో మంది భారీ స‌క్సెస్ లు చూశార‌ని, మ‌న స‌క్సెస్ గురించి మాట్లాడాల్సింది మ‌నం కాద‌ని ప్రేక్ష‌కుల‌ని స్ప‌ష్టం చేశాడు.

ఇక త‌న త‌దుప‌రి సినిమా గురించి త‌న‌కు అత్యంత స‌న్నిహితంగా వుండేవారు కూడా నా త‌దుప‌రి ప్రాజెక్ట్ ఏంట‌ని, ఎప్పుడు ప్ర‌క‌టిస్తావ‌ని ఆందోళ‌న‌తో అడుగుతున్నార‌ని తెలిపాడు. నేనే ఈ విజ‌యాన్ని వెంట‌నే క్యాష్ చేసుకోవాల‌నే త‌పించే వ్య‌క్తిని కాద‌ని, నాకు ఉత్సాహం క‌లిగించే ప‌నిని మాత్ర‌మే చేస్తాన‌ని, నేను పోరాడే త‌త్వం వున్న వ్య‌క్తిన‌ని చెప్పుకొచ్చాడు.

ఇన్ని చెప్పిన య‌ష్ త‌న 19వ ప్రాజెక్ట్ ని ఎప్పుడు ప్ర‌క‌టించ‌బోతున్నాడు? .. ఎవ‌రితో చేయ‌బోతున్నాడు? అనే విష‌యాల‌ని మాత్రం వెల్ల‌డించ‌లేదు. అయితే తాజాగా వినిపిస్తున్న వార్త‌ల ప్ర‌కారం య‌ష్ త‌న 19వ ప్రాజెక్ట్ ని జ‌న‌వ‌రి 8న జ‌ర‌గ‌నున్న త‌న బ‌ర్త్ డే స్పెష‌ల్ గా ప్ర‌క‌టించ‌బోతున్నాడ‌ని, ఆ రోజు ఫ్యాన్స్ కి స్పెష‌ల్ స‌ర్ ప్రైజ్ ఇచ్చే అవ‌కాశం వుంద‌ని తెలిసింది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.