వీడియో టాక్: బాలయ్య-శ్రీయ కన్నులు కలిసే

ప్రస్తుతం టాలీవుడ్ లో బాలయ్య 101వ సినిమా కోసం బాక్స్ ఆఫీస్ ఎదురుచూస్తుంది అంటున్నారు ఆయన అభిమానులు. ఇప్పటికే "పైసా వసూల్" స్టంపర్ తో ట్రైలర్ తో విజిల్స్ వేయించిన ఆయన సినిమాలోని మరో లవ్ సాంగ్ తో మరో వర్గం ప్రేక్షకులను ఆకట్టుకుంటున్నాడు. పూరి జగన్ డైరక్షన్లో వస్తున్న ఈ సినిమాలో పాటను చూసి ఇప్పుడు మెలోడీ లవ్వర్స్ కూడా పండగ చేసుకుంటున్నారు.

రీసెంట్ గా రిలీజ్ చేసిన "కన్ను కన్ను" పాట చాలా బావుంది. అనుబ్ రూబెన్స్ స్వరపరిచిన ఆ పాటకి బాలయ్య అభిమానులతో పాటు ఇతర వర్గ ప్రేక్షకులు కూడా ఫిదా అవుతున్నారు. మెలోడియస్ గా ఉండటంతో అందరినీ హత్తుకుంటుంది. ఇకపోతే పాటలో విజువల్స్ చాలా బావున్నాయి. పోర్చుగల్ లో ఈ పాటను తెరకెక్కించారట. ప్రస్తుతం యూట్యూబ్ లో నెటిజన్స్ బాలయ్య - శ్రియ కెమిస్ట్రీ చాల బావుందని కామెంట్స్ చేస్తున్నారు. సినిమాటోగ్రాఫర్ ముకేష్‌ వర్కును పొగడాల్సిందే.

ఇక పైసా వసూల్ సినిమా సెప్టెంబర్ 1న గ్రాండ్ గా రిలీజ్ చేస్తున్నారు చిత్ర నిర్మాత వి. ఆనంద్ ప్రసాద్. పూరి జగన్నాథ్ తెరక్కించిన ఈ సినిమాలో బాలయ్యా సరసన శ్రియతో పాటు ముస్కన్ సేతి-కైరా దత్ కూడా నటిస్తున్నారు. ఇక దర్శకుడు పూరి గత సినిమాలు ఏవి విజయాన్ని సాధించలేదు. మరి ఈ సినిమాతో అయినా హిట్ అందుకుంటాడో లేదో చూడాలి.