స్వీట్ గా వైల్డ్ కామెంట్ చేశాడే

ఏ సినిమా ఇండస్ట్రీకైనా ఎవరో ఒకరు పెద్దగా ఉంటారు. జరిగే ఎలాంటి విషయంలో అయినా వారి పాత్ర ఎంతో కొంత ఉంటుంది. అలాగే అక్కడ మార్కెట్ ను కూడా కూడా వారి చేతుల్లో ఉంచుకోవడం వంటి అధికారాలను వారు కలిగి ఉంటారు. టాలీవుడ్ లో అయితే 'ఆ నలుగురు' అనే నిర్మాతలు టాలీవుడ్ ని శాసిస్తారని ఓ టాక్ ఉంది. అలాగే బాలీవుడ్ లో కూడా కరణ్ జోహార్ చాలా కీలకంగా వ్యవహరిస్తారని బాలీవుడ్ మీడియా చెబుతూ ఉంటుంది.

చిత్ర నిర్మాతగా దర్శకుడిగా పేరు మంచి తెచ్చుకొని కాఫీ విత్ కరణ్ అనే టాక్ షోతో ప్రపంచ సెలబ్రెటీలను సైతం ఇంటర్వ్యూ చేసిన వ్యక్తి. అలాగే బాహుబలి లాంటి సినిమాను హిందీలో రిలీజ్ చేసి సౌత్ లో కూడా గుర్తింపు తెచ్చుకున్నాడు. అయితే ఈ మధ్య బాలీవుడ్ హీరోయిన్ కంగనా రనౌత్ చేస్తున్న కొన్ని వ్యాఖ్యలు ఆయనకు చాలా కోపాన్ని తెప్పించాయి. అంతే కాకుండా అమ్మడు చేసిన ‘బాలీవుడ్ దివా’ అనే సాంగ్ ఇప్పుడు బాలీవుడ్ ని మొత్తం షేక్ చేస్తోంది. ఎందుకంటే ఆ పాటలో కరణ్ జోహార్ - ఆదిత్య పాంచాలీ లాంటి దర్శకులనూ.. అలాగే స్టార్ హీరోలైన షారుఖ్ - సల్మాన్ - అమీర్ - హృతిక్ వంటి వారిని టార్గెట్ చేసింది. దీంతో కరణ్ కి మ్యాటర్ బాగా అర్థమైంది. వెంటనే తాను కూడా అమ్మడి పేరెత్తకుండానే కౌంటర్ వేశాడు.

‘డియర్ టాలెంట్! నువ్వు చాలా ఓవర్ కాన్ఫిడెంట్ గా ఉన్నావు. వెంటనే ఆ భ్రమ నుంచి నువ్వు కోలుకోవాలని అనుకుంటున్నా. ఎందుకంటే వారు నీపై ఎప్పుడూ కుట్రలు పన్నుతారు' అని స్వీట్ గా వైల్డ్ అర్దాన్ని చెప్పే కామెంట్ చేశాడు ఈ దర్శకుడు కమ్ ప్రొడ్యూసర్. కానీ కంగనా సినిమాల్లోకి వచ్చే ముందు ఎన్నో కుట్రలను దాటి ఇప్పుడు స్టార్ హీరోయిన్ గా తనకంటూ ఓ గుర్తింపును తెచ్చుకుంది. స్టార్ హీరోస్ లేకపోయినా సరే లేడి ఓరియెంటెడ్ సినిమాలను తీసి మరి హిట్ అందుకుంటోంది. మరి కరణ్ కామెంట్స్ కి కంగనా ఎలా స్పందిస్తుందో చూడాలి.