తీవ్ర నిరాశలో ‘భరత్ అనే నేను’ బ్యూటీ

క్రికెటర్ ఎంఎస్ ధోని జీవితగాథ ఆధారంగా తెరకెక్కిన సినిమాతో బాలీవుడ్ లో ఎంట్రీ ఇచ్చింది హీరోయిన్ కియారీ అద్వానీ. కానీ అక్కడ కాలం కలిసిరాక చాలా రోజులు అవకాశాలు లేక ఖాళీగా ఉంది. ఆ తర్వాత తెలుగులో మహేష్ బాబు హీరోగా వచ్చిన ‘భరత్ అనే నేను’ మూవీలో కియారీ హీరోయిన్ గా ఎంపిక అవడం.. ఆ సినిమా బ్లాక్ బస్టర్ హిట్ కావడంతో తెలుగులో టాప్ స్థాయికి చేరిపోయింది. కాగా బాలీవుడ్ లో కూడా ఓ పెద్ద అవకాశం వచ్చి చేజారిపోయింది. ఆ సినిమా చాన్స్ నిలబడితే కియారీ అద్వానీ తెలుగు, హిందీల్లో స్టార్ హీరోయిన్ గా ఎదిగేది..

కరుణ్ జోహర్ నిర్మాణంలో రోహిత్ శెట్టి రూపొందిస్తున్న మూవీ ‘సింబా’. ఇది తెలుగులో వచ్చి హిట్ అయిన టెంపర్ మూవీకి రిమేక్. ఈ సినిమాలో మొదట హీరోయిన్ గా కియారా అడ్వాణీనే ఓకేచేశారట నిర్మాత కరణ్ జోహర్.. కానీ ఆడిషన్స్ తర్వాత దర్శకుడు రోహిత్ శెట్టికి కియారా నచ్చలేదు. ఈ సినిమాలో హీరోయిన్ పాత్రకు కీయారా సూటవ్వదని చెప్పి ఆమెను తీసేశాడట.. దీంతో ఎంతో ఆశలతో బాలీవుడ్ లో అదృష్టం పరీక్షించుకుందామనుకున్న కియారీ ఆశలు అడియాశలయ్యాయి.

బాలీవుడ్ లో చాన్స్ మిస్ అయినా తెలుగులో మాత్రం కియారీ దూసుకుపోతోంది. ప్రస్తుతం ఆమె రాంచరణ్ హీరోగా బోయపాటి శ్రీను దర్శకత్వంలో నటిస్తోంది. ఈ సినిమా కూడా హిట్ అయితే ఆమె కెరీర్ ఎక్కడికో వెళ్లిపోవడం ఖాయం అంటున్నారు సినీ జనాలు.