చియాన్ తో చెయ్యాలని ఉందట

దేశంలో ఉన్న పలు ఫిలిం ఇండస్ట్రీలలో చాలామంది ట్యాలెంటెడ్ ఆర్టిస్టులే ఉంటారు కానీ.. దేశవ్యాప్తంగా గుర్తింపు పొందగలిగిన వారు తక్కువగానే ఉంటారు. కోలీవుడ్ స్టార్ చియాన్ విక్రమ్ ట్యాలెంట్ విషయంలో ఇండియా అంతటికీ ఓ క్లియర్ ఒపీనియన్ ఉంది.

ఓ కేరక్టర్ కోసం ఆ స్థాయిలో డెడికేట్ అయిపోయే ఇలాంటి ఆర్టిస్టుతో పని చేయాలని ఉందంటూ.. చాలామంది డైరెక్టర్లు ఓపెన్ గా చెప్పారు. ఇప్పుడీ జాబితాలో బాలీవుట్ టాప్ డైరెక్టర్లో ఒకడైన కరణ్ జోహార్ కూడా చేరాడు. రీసెంట్ గా కరణ్ ఓ ఇంటర్వ్యూలో మాట్లాడుతూ.. విక్రమ్ తో పని చేయాలని ఉందని.. అయితే బాలీవుడ్ మూవీలో కాకుండా.. డైరెక్ట్ తమిళ్ మూవీ తీయాలని అనుకుంటున్నానని చెప్పాడు. హిందీ సినిమాల్లో టాప్ డైరెక్టర్ కి.. సౌత్ స్టార్ తో సినిమా తీయాలనే ఆలోచన రావడమే చెప్పుకోవాల్సిన విషయం అయితే.. అది కూడా తమిళ్ సినిమా తీయాలని అనుకోవడం మరింతగా ఆశ్చర్యం కలిగించే విషయం.

నిజంగా ఈ ప్రాజెక్టు సాధ్యం కావాలే కానీ.. అది కేవలం కోలీవుడ్ మూవీ మాదిరిగా కాకుండా.. నేషనల్ లెవెల్ కి ఈజీగా వెళ్లిపోతుందనడంలో సందేహం అక్కర్లేదు.

Like Us on Facebook : https://www.facebook.com/Tupakidotcom/