ఏంటీ రాజీ కూడా హిట్టేనా?

క‌ర‌ణ్ జోహార్ సినిమా తాజా సినిమా రాజీ. శుక్ర‌వారం (మే 11) దేశ‌వ్యాప్తంగా విడుద‌ల కాబోతోంది. ఇందులో అలియా భ‌ట్ ప్ర‌ధాన పాత్ర చేసింది. కాగా బాలీవుడ్ ప్ర‌ముఖుల కోసం ఒక రోజు ముందు స్పెష‌ల్ స్క్రీనింగ్ వేశారు. ఆ సినిమా చూసి వ‌చ్చాక సెలెబ్రిటీలు సూప‌రో సూప‌ర్ అంటూ పొగిడేస్తున్నారు. దానికి క‌రణ్ కూడా తెగ ముద్దుల స్టిక్క‌ర్‌ లు పోస్టు చేస్తూ పొంగిపోతున్నాడు. నిజంగానే సినిమా బాగుందా లేక ఎప్ప‌టిలాగే ఏదో పొగ‌డాలి క‌దా అని పొగిడేశారో.

రాజి సినిమా 1971 పాకిస్తాన్తో యుద్ధం స‌మ‌యంలో జ‌రిగే క‌థ‌. భార‌త్ చెందిన గూఢ‌చారి అమ్మాయి అనుకోకుండా పాకిస్తాన్ వ్య‌క్తిని పెళ్లి చేసుకోవాల్సి వ‌స్తుంది. ఆ అమ్మాయి జీవితంలో జ‌రిగే క‌థే రాజీ సినిమా. థ్రిల్ల‌ర్ క్రైమ్ మూవీగా తెర‌కెక్కింది. ఈ సినిమాను చూసొచ్చిన తాప్సీ ప‌న్ను ట్విట్ట‌ర్‌ లో అబ్బ‌బా సినిమా ఏముంది? బాక్సాఫీసు ద‌గ్గ‌ర గేట్లు ఓపెన్ చేస్తే డ‌బ్బుల వ‌ర‌ద కురుస్తుంది అని తెగ మెచ్చేసుకుంది. దానికి క‌ర‌ణ్ జోహార్ మూడు ముద్ద‌లు విసిరాడు. అలాగే సిద్ధార్థ మ‌ల్హోత్రా కూడా తన మాజీ ప్రియురాలు అలియా భ‌ట్‌ను తెగ పొగిడేశాడు. సూప‌ర్ గ‌ర్ల్ ఏం చేశావ్ నువ్వు అని ట్వీటు చేశాడు. వీరిద్ద‌రూ బాలీవుడ్ ప్ర‌ముఖులెంద‌రో ఇలా ట్వీట్ చేశారు. ఆ ట్వీట్లు చూస్తే నిజంగానే ఆ సినిమా అంత పెద్ద హిట్ అనిపిస్తోంది.

బాలీవుడ్ సెలెబ్రిటీలు ఇలా స్పెష‌ల్ షోలు చూసి పొగ‌డేసిన‌ప్ప‌టికీ... ఆ సినిమా అట్ట‌ర్ ఫ్లాప‌యిన సంద‌ర్భాలు చాలా ఉన్నాయి. క‌నుక వీరి ట్వీట్లు న‌మ్మ‌డం క‌ష్ట‌మే. ఎలాగూ ఆ సినిమా రేపు విడుద‌లైపోతుంది. వ‌చ్చే టాక్ ను బ‌ట్టి వీరి ట్వీట్లు ఎప్ప‌టిలాగే ఫేకా లేక నిజ‌మేనా తేలిపోతాయి. ఇండో పాక్ యుద్ధ నేప‌థ్యంలో క‌థ క‌నుక‌.. హిట్ అయినా ఆశ్చ‌ర్య‌పోన‌క్క‌ర్లేదు.