సీత పాత్ర‌లో ఆఫ‌ర్ పై బెబో ఏమందంటే?

రామాయ‌ణం ఆధారంగా రూపొందుతున్న ఓ భారీ సినిమాలో సీత పాత్రను పోషించడానికి భారీ మొత్తాన్ని డిమాండ్ చేసిందని పుకార్లు వచ్చిన కొన్ని నెలల తర్వాత కరీనా కపూర్ ఖాన్ దానిపై మౌనం వీడింది. ఇవ‌న్నీ పుకార్లేనా ? లేక నిజాలా? అన్న ప్ర‌శ్న‌కు బెబో జ‌వాబిచ్చింది.

కరీనా తన ఫీజును అమాంతం పెంచిందని సీత పాత్ర కోసం రెట్టింపు డిమాండ్ చేసింద‌ని పుకార్లు వచ్చాయి. హిందూ పురాణేతిహాసమైన రామాయణం ఆధారంగా నిర్మించే సినిమాలో సీత పాత్రను పోషించడానికి ఏకంగా రూ.12 కోట్లు డిమాండ్ చేసిందంటూ క‌థ‌నాలొచ్చాయి. కరీనా ఇంతకు ముందు రూ.6-8 కోట్లు వసూలు చేసిందని అయితే సీత పాత్ర కోసం తన ఫీజును రెట్టింపు చేసిందని క‌థ‌నాలొచ్చాయి. కరీనా పాత్ర‌ను చాలా నెలల పాటు చిత్రీక‌రించాల్సి ఉన్నందున అంత పెద్ద‌ భారీ మొత్తాన్ని డిమాండ్ చేసిందని గుస‌గుస‌లు వినిపించాయి.

రామాయణం ఆఫ‌ర్ గురించి .. పారితోషికం డిమాండ్ గురించి మీడియాలో ఎలా వక్రీకరించారో క‌రీనా ఇంత‌కాలానికి వెల్ల‌డించారు. అసలు తనకు ఈ సినిమా ఆఫర్ రాలేదని అదంతా పుకార్ మాత్ర‌మేన‌ని బెబో వెల్ల‌డించింది. త‌న‌పై భారీ ట్రోలింగ్ కూడా జ‌రిగింది. వాటి గురించి ప్ర‌స్థావిస్తూ... నేను ఎప్పుడూ వివరణ ఇవ్వకపోవడానికి కారణం ఆ సినిమాని నాకు ఎప్పుడూ ఆఫర్ చేయకపోవడమే. నేనెందుకు స‌మాధాన‌మివ్వాలో కూడా నాకు తెలియదు.

నేను సినిమాకి ఎంపిక కానందున లైట్ తీస్కున్నా. ఇవన్నీ మీడియా కుక్ చేసిన కథలు. నేను ఎవరినీ తగ్గించకూడదనుకుంటున్నాను. ఎందుకంటే బహుశా వారికి కూడా కథలు అవసరం కావచ్చు. ప్రతిరోజూ ప్రజలు ఏదో ఒక కథ కోసం వెతుకుతున్నారు. కానీ ఆ వార్త‌ ఎక్కడ నుండి వచ్చిందో కూడా నాకు తెలియదు'' అని వ్యాఖ్యానించింది.

సంతానం త‌ర్వాత క్వాలిటీ సెక్స్ పై:ఇటీవ‌ల 'కాఫీ విత్ క‌ర‌ణ్ 7' షోలో క‌రీనా పాల్గొన్న సంగ‌తి తెలిసిందే. ఈ షోని వంద‌శాతం అడ‌ల్ట్ కంటెంట్ తో తీర్చిదిద్ది టీఆర్పీని ప‌రుగులు పెట్టిస్తుంటే దీనిపై సాంప్ర‌దాయ వాదులు తీవ్రంగా విరుచుకుప‌డుతున్నారు. తార‌ల వ్య‌క్తిగ‌త జీవితాల గుట్టు మ‌ట్ల‌తో పాటు బెడ్ రూమ్ ర‌హ‌స్యాల‌ను కూడా బ‌హిరంగ వేదిక‌పై ఓపెనయ్యేలా చేస్తున్నాడు క‌ర‌ణ్‌.

ఇద్ద‌రు పిల్ల‌ల‌కు మ‌మ్మీ అయినా క‌రీనా క‌పూర్ ని కూడా అలాంటి ప్ర‌శ్న అడిగాడు క‌రణ్‌. పిల్ల‌లు క‌లిగిన త‌ర్వాత నాణ్య‌మైన సెక్స్ ని ఆస్వాధిస్తున్నావా? అంటూ చొర‌వ‌గా ప్ర‌శ్నించ‌గా క‌రీనా షాక్ కి గురైంది. ఏం ప్రశ్న అడుగుతున్నావు. ఈ షో నీ తల్లి చూస్తుంది జాగ్రత్త! అంటూ క‌రీనా ముసిముసిగా న‌వ్వేయ‌గా.. ఇంత‌లోనే ఆ ఇరువురి మ‌ధ్య‌లో ప్ర‌వేశించిన అమీర్ ఖ‌న్ ఇలాంటివి ప్ర‌శ్నించ‌డం క‌ర‌ణ్ కి కొత్త కాదు క‌దా! అని స‌రి చేసారు. క‌ర‌ణ్ అమ్మ‌గారికి ఇలాంటివి అభ్యంత‌రం లేద‌ని కూడా అన్నారు.