హైద్రాబాద్ కి ‘కి’ వచ్చింది..

కి అండ్ కా.. లడకీ అండ్ లడకాని షార్ట్ ఫామ్ చేసి పెట్టిన టైటిల్ ఇది. ఈ మూవీలో లడకీగా కరీనా కపూర్ నటించింది. ఏప్రిల్ 1న విడుదల కానున్న ఈ మూవీపై ఇప్పటికే చాలా అంచనాలున్నాయి. అర్జున్ కపూర్ జంటగా కరీనా చేసిన రొమాన్స్ ఈ మూవీకి హైలైట్ కానుంది. ఈ మూవీ ప్రమోషన్స్ లో భాగంగా కరీనా కపూర్ ఖాన్ ఇప్పుడు హైద్రాబాద్ వచ్చింది.

కి.. లడకి అని ప్రింట్ చేసి ఉన్న బ్లాక్ టీ షర్ట్ - బ్లూ జీన్స్ లో హైద్రాబాద్ వచ్చిన కరీనా.. ఇక్కడ కూడా వీలైనంతగా ప్రచారం చేసింది. మరోవైపు కా అంటూ హంగామా చేస్తున్న అర్జున్ కపూర్ కూడా.. హైద్రాబాద్ లో వచ్చి మూవీ గురించి బోలెడన్ని కబుర్లు చెబుతున్నాడు. ఈ భామ ఇలా హైద్రాబాద్ లో ప్రచారం చేయడం ఇదేమీ ఫస్ట్ టైం కాదు. దాదాపు తన ప్రతీ ప్రెస్టీజియస్ మూవీ విషయంలోనూ భాగ్యనగరం వస్తూనే ఉంటుంది. చాలా సినిమాలు ఇక్కడ రెగ్యులర్ షూటింగ్ జరుపుకుంటూ ఉండడం కూడా.. వీరికి హైద్రాబాద్ తో అనుబంధం పెరగడానికి కారణమే.

అయితే.. కరీనా హైద్రాబాద్ కి చాలాసార్లే వచ్చింది కానీ.. ఇక్కడ ఏ ఒక్క మూవీ కూడా ఆమె ఆశించిన స్థాయిలో సక్సెస్ కాలేదు. సల్మాన్. షారుక్ - అమీర్ ఈ ఖాన్ త్రయానికి దూరం అయ్యాక.. కరీనా సినిమాలు ఇక్కడ పెద్దగా ఆడిన దాఖలాలు లేవు. అయితే.. ఇప్పుడు చేసిన కి అండ్ కా.. యూనివర్సల్ సబ్జెక్ట్ అని, ఇది ఎవరికైనా నచ్చే కాన్సెప్ట్ అని, అంతకుమించి అద్భుతమైన పిక్చరైజేషన్ కారణంగా.. ఇక్కడ కూడా తమ మూవీ కి అండ్ కా సూపర్ హిట్ గా నిలుస్తుందని కరీనా కపూర్ ఖాన్ ఆశలు పెట్టుకుంది..