స్టార్ హీరోపై మ్యారీడ్ బ్యూటీ చిలిపి కామెంట్

మిస్టర్ పర్ ఫెక్ట్ అమీర్‌ ఖాన్‌ అందరికి ఇష్టమైన నటుడు. ఆయన సినిమా కోస‌మే జీవిస్తారు. పాత్రల కోసం ప్రాణం పెట్టేస్తారు. ఎంపిక కోస‌మే ఎంతో స‌మ‌యం కేటాయిస్తారు. అందుకే అత‌డి సినిమాల్లో విల‌క్ష‌ణ‌త అంద‌రికీ న‌చ్చుతుంది. త‌న‌ని పాత్ర‌ల పేర్ల‌తోనే గుర్తుంచుకునేంత‌గా.. అత‌డి క‌మిట్ మెంట్ మైమ‌రిపిస్తుంది. ఇక వ్య‌క్తిగ‌తంగా పూర్తిగా ప్రైవేట్‌ జీవితాన్ని గడిపేందుకు అత‌డు ఇష్టపడతారు. అమీర్ శనివారమే తన 55వ బర్త్ డే ని జరుపుకున్నారు. పుట్టిన రోజుని పురస్కరించుకుని బాలీవుడ్‌ తారలంతా అమీర్ కి బర్త్ డే విషెస్ తెలిపారు. `హ్యాపీ బర్త్ డే లాల్‌ సింగ్‌ చద్దా` అని సల్మాన్‌.. `అమీర్‌ నువ్వు నాకు.. కాజోల్ కి లక్కీ మస్కాట్‌వి` అని అజయ్‌ దేవగన్‌ పేర్కొన్నారు. వీరితోపాటు మాధురీ దీక్షిత్‌- సచిన్‌ టెండుల్కర్‌- జూహీ చావ్లా- ఆయుష్మాన్‌ ఖురానా వంటి అనేక స్టార్స్ ఆయనకు హార్ట్ ఫుల్ గా విశేష్‌ తెలిపారు.

అయితే శుభాకాంక్ష‌ల వెల్లువ‌లో కొన్ని ఫోటోలు మాత్రం చాలా స్పెషల్ గా నిలిచాయి. వాటిలో బాలీవుడ్ సైజ్ జీరో బ్యూటీ.. బెబో కరీనా కపూర్‌ ఫ్లైట్ లో అమీర్ తో దిగిన ఫోటోని ఇస్టాగ్రామ్ లో పంచుకుంటూ శుభాకాంక్షలు తెలిపింది. కేవలం విషెస్ చెప్పి వ‌దిలేస్తే ఏ గొడవ లేదు. కానీ ఫ్లైట్ లో అమీర్‌ నిద్రపోతున్నాడు. అది కూడా పిల్లోని గట్టిగా హత్తుకుని ఘాడ‌ నిద్రలో ఉన్నాడు. ఈ సమయంలో కరీనా రహస్యంగా ఆయనతో దిగిన సెల్ఫీని ఇన్ స్టాలో షేర్‌ చేసుకుంది. అంతేకాదు ``నా కిష్టమైన యాక్టర్‌ అమీర్‌.. పిల్లో`` అని కొంటెగా కామెంట్ ని ఉంచింది. కరీనా చేసిన ఈ చిలిపి ట్వీట్‌.. ఫోటో సామాజిక మాధ్యమాల్లో హల్ చల్‌ చేస్తుంది. అమీర్‌ బర్త్ డే విశేష్‌ తెలిపిన వారందరితో పోల్చితే కరీనా పోస్ట్ హైలైట్ గా నిలిచింది.

పాత్ర ఏదైనా అందులో పరకాయ ప్రవేశం చేసి పాత్రకి జీవం పోసే అమీర్‌ ఖాన్ తో కలిసి కరీనా 2009లో `3 ఇడియట్స్`.. 2012లో `తలాష్‌` చిత్రాల్లో నటించారు. ఈ రెండు చిత్రాలు బాక్సాఫీసు వద్ద బ్లాక్‌ బస్టర్స్ గా నిలిచాయి. దాదాపు ఎనిమిదేండ్ల గ్యాప్‌ తర్వాత అమీర్‌- కరీనా ప్రస్తుతం `లాల్‌ సింగ్‌ చద్దా'లో నటిస్తున్నారు. ఇది హాలీవుడ్‌ చిత్రం `ఫారెస్ట్ గంప్‌`కి రీమేక్‌ అన్న విషయం తెలిసిందే. అద్వైత్‌ చందన్‌ దర్శకత్వం వహిస్తున్నారు. ఇది ఈ ఏడాది చివర్లో క్రిస్మస్‌ కానుకగా విడుదల కానుంది.