హీరో న్యూడ్‌ ఫోటో షూట్‌ పై స్టార్‌ హీరోయిన్ రియాక్షన్‌

బాలీవుడ్‌ స్టార్‌ హీరో రణ్వీర్‌ సింగ్ గత కొన్ని రోజులుగా సోషల్‌ మీడియాలో ట్రెండ్‌ అవుతున్నాడు. అన్ని వర్గాల వారు.. అన్ని చోట్ల కూడా రణ్వీర్ సింగ్ యొక్క న్యూడ్‌ ఫోటోల గురించి పెద్ద ఎత్తున చర్చ జరుగుతోంది.

న్యూడ్‌ వీడియోలకు సంబంధించిన వార్తలతో జాతీయ మీడియాలో కూడా హడావుడి కనిపిస్తుంది. ప్రతి ఇంటర్వ్యూలో లేదా టాక్ షో లో కూడా రణ్వీర్ సింగ్ యొక్క ఫోటో షూట్‌ గురించిన చర్చ కామన్ అయ్యింది.

తాజాగా కాఫీ విత్ కరణ్‌ టాక్ షో లో లాల్ సింగ్ చడ్డా హీరో ఆమీర్ ఖాన్‌ మరియు హీరోయిన్ కరీనా కపూర్‌ ఖాన్‌ లు పాల్గొన్నారు. ఈ సందర్బంగా పలు ఆసక్తికర విషయాలను గురించి కరణ్‌ జోహార్‌ తో ఆమీర్‌ ఖాన్‌ మరియు కరీనా కపూర్ ఖాన్‌ చర్చించారు.

ఆ సమయంలోనే రణ్వీర్ సింగ్ యొక్క న్యూడ్‌ ఫోటోల గురించి ఆమీర్‌ ఖాన్ మరియు కరీనా కపూర్‌ ఖాన్‌ ను కరణ్ జోహార్‌ ప్రశ్నించాడు.

కరణ్‌ ప్రశ్నించిన సమయంలో కరీనా కపూర్‌ ఏమాత్రం ఆలోచించకుండా వెంటనే తన మద్దతు ను తెలిపింది. వివాదాస్పదం ఏముంది అన్నట్లుగా కరీనా కపూర్‌ అభిప్రాయం వ్యక్తం చేసింది. ఆమీర్‌ ఖాన్ మాత్రం ప్రస్తుతం రణ్వీర్‌ సింగ్ ఫోటోలు చూడలేదు. ప్రస్తుతం తాను లాల్‌ సింగ్ చడ్డా సినిమా ప్రమోషన్‌ తో బిజీగా ఉన్నాను అన్నట్లుగా పేర్కొన్నాడు.

లాల్‌ సింగ్ చద్దా సినిమాను వచ్చే వారం ప్రేక్షకుల ముందుకు తీసుకొచ్చేందుకు అన్ని ఏర్పాట్లు పూర్తి అయ్యాయి. దేశ వ్యాప్తంగా పలు భాషల్లో లాల్‌ సింగ్ చడ్డా ను విడుదల చేయబోతున్న నేపథ్యంలో సాధ్యం అయినంత ఎక్కువగా ప్రమోషన్‌ ను చేస్తున్నారు. అందులో భాగంగానే కరణ్‌ జోహార్‌ టాక్ షో లో కూడా ఆమీర్ మరియు కరీనా కపూర్ లు పాల్గొన్నారు.