గెట్ రెడీ.. సన్నీ లియోన్ బయోపిక్

పోర్న్ తారగా తన ప్రస్థానాన్ని మొదలుపెట్టి దశాబ్దానికి పైగా ప్రపంచవ్యాప్తంగా కోట్లాది మంది శృంగార ప్రియుల్ని అలరించింది సన్నీ లియోన్. పోర్న్ ఇండస్ట్రీని వదిలేసి దశాబ్దం కావస్తున్నా.. బాలీవుడ్లో రెగ్యులర్ సినిమాలు చేస్తున్నా ఆమెపై ఆ ఇమేజ్ మాత్రం తొలగిపోలేదు. ఐతే సన్నీ ఈ విషయంలో ఎప్పుడూ నామోషీగా ఫీలైంది లేదు. తన పోర్న్ కెరీర్ గురించి ఇప్పుడు కూడా ఓపెన్ గా మాట్లాడతుందామె. దాన్ని ఒక వృత్తిగానే భావిస్తానని అంటుందామె. విశేషం ఏంటంటే.. తన వ్యక్తిగత జీవితాన్ని.. పోర్న్ కెరీర్ సంగతుల్ని తెరమీదికి తీసుకురావడానికి సన్నీ సిద్ధమవుతోంది. ఆమె జీవితం వెండితెరకు ఎక్కుతోంది.

చడీచప్పుడు లేకుండా తన బయోపిక్ పనుల్ని సన్నీ మొదలుపెట్టేసింది. జీ టీవీ గ్రూప్ ఈ చిత్రాన్ని నిర్మిస్తుండటం విశేషం. ‘కరెంజిత్ టు సన్నీ’ అనే పేరుతో ఈ చిత్రం తెరకెక్కుతోంది. ఇందులో కరెంజిత్ కౌర్ అనేది సన్నీ అసలు పేరు. పోర్న్ రంగంలోకి వెళ్లాకే సన్నీ లియోన్ గా మారిందామె. ఈ క్రమాన్నే సినిమాలో చూపించబోతున్నారు. సన్నీ ఏ పరిస్థితుల్లో పోర్న్ అయింది.. ఆ తర్వాత తన ప్రస్థానం ఎలా సాగింది ఇందులో వివరంగా చూపిస్తారట. మరి ఈ చిత్రంలో సన్నీనే తన పాత్రను పోషిస్తుందా.. లేక వేరెవరైనా ఇందులో ఆమె పాత్రను పోషిస్తారా అన్నదానిపై స్పష్టత లేదు. బయోపిక్ అంటున్నారంటే మరి ఇందులో సన్నీ పోర్న్ సినిమాల్ని కూడా ఒరిజినల్ గా చూపిస్తారా అన్నది చూడాలి.