పోస్టర్ టాక్: కాష్మోరా కార్తిక్ అద్భుతహ!

అన్నాదమ్ములైన సూర్య - కార్తీక్ లు విభిన్నమైన సినిమాలు చేయడానికి ఎప్పుడూ ముందుంటారనే సంగతి తెలిసిందే. నిన్న "ఊపిరి" సినిమాలో బద్దకస్తుడు - లెక్కలేనివాడు - మరోవైపు బాధ్యత తెలుసుకున్న కొడుకు పాత్రల్లో ఒదిగిపోయిన కార్తీక్ - తన అన్న సూర్య లాగే డిఫరెంట్ సినిమాలు చేయడానికి ఆసక్తిని కనబరుస్తుంటాడు. అయితే కార్తీ లేటెస్ట్ మూవీ "కాష్మోరా". ఈ సినిమాకు సంబందించిన ఫస్ట్ లుక్ విడుదలయ్యింది. ఈ ఫోస్టర్ ని దూరంనుంచి చూసిన వారికి కాస్త బాహుబలి కట్టప్ప లా అనిపించినా.. దగ్గరా చూస్తే మాత్రం ఒక డిఫరెంట్ కార్తీక్ కనిపిస్తున్నాడు. అద్భుతమైన యుద్ధ వీరుడిగా కనిపిస్తున్న ఈ ఫోటో ప్రస్తుతం హల్ చల్ చేస్తుంది.

యుద్దవీరుడి దుస్తులు - చేతిలో చివర గ్రద్ద ఆకారంతో ఉన్న పోల్ లాంటి ఆయుదం దరించిన కార్తీక్.. చేతులు చాచి యుద్దంలో శత్రువులందరినీ చంపిన తర్వాత ఒక యుద్దవీరుడి కళ్లల్లో కనిపించే ఆనందం - గర్వం కలిపిన నవ్వుతో ఉన్నాడు. ఇప్పటికే ఇలాంటి యుద్దాలు - చారిత్రక విషయాలకు సంబందించిన సినిమాలు చాలానే వచ్చినా.. మరికొన్ని అలాంటి సినిమాలు తీయాలనుకునేవారికి బాహుబలి కొత్త ఉత్సాహాన్ని ఇచ్చిందని టాక్ నడుస్తున్న తరుణంలో.. కాష్మోరా లాంటి సినిమా రావడం మంచిదని పలువురు భావిస్తున్నారు.

నిత్యం రెగ్యులర్ సినిమాలు - అవే ఫైట్లు - అవే పాటలు కాకుండా.. ఇలా రొటీన్ కి భిన్నంగా చేసే కథలను ప్రేక్షలు ఎప్పుడూ ఆదరిస్తారని, కార్తీక్ కూడా అలాంటి అనుభవం తప్పకుండా వస్తుందని అభిమానులు ఆశపడుతున్నారు. ఈ సినిమాలో నయన తార - శ్రీ దివ్య లు కూడా ప్రధాన పాత్రల్లో నటిస్తున్నారు. అన్నీ అనుకూలంగా జరిగితే ఈ సినిమా దీపావలి కానుకగా అక్టోబర్ 29న విడుదల చేయాలని దర్శక నిర్మాతలు భావిస్తున్నారు.