కార్తీక్ ఆర్య‌న్ ల‌వ‌ర్ పిచ్చి లేపుతోందిగా

రంగుల ప్ర‌పంచంలో ఓ వెలుగు వెల‌గాలంటే అందుకు స‌రైన బ్యాక్ గ్రౌండ్ కూడా అవ‌స‌రం. ఎలాంటి నేప‌థ్యం లేకుండా ఈ రంగంలో నిల‌దొక్కుకోవ‌డం అంటే చాలా అరుదుగా కొంద‌రికి మాత్ర‌మే సాధ్యం. అలాంటి అదృష్ట‌వంతుల జాబితాలో కార్తీక్ ఆర్య‌న్ పేరు ఉంది. సినిమా నేప‌థ్యం కంటే అత‌డిని నిల‌బెట్టింది ప్ర‌తిభ మాత్ర‌మేన‌ని స‌న్నిహితులు చెబుతుంటారు. ప్ర‌స్తుతం బాలీవుడ్ లో న‌ట‌వార‌సులు ఎంద‌రు ఉన్నా కార్తీక్ ఆర్య‌న్ మాత్రం వ‌రుస హిట్లు కొడుతూ త‌నదైన శైలిలో దూసుకుపోతున్నాడు.

అత‌డి పేరు నిరంత‌రం డేటింగ్ రూమ‌ర్ల‌లో ప్ర‌ముఖంగా వినిపిస్తోంది.
ప్ర‌స్తుతం అత‌డు బాలీవుడ్ బ‌డా ఫ్యామిలీ రోష‌న్ ల కుటుంబం నుంచి వ‌చ్చిన అందాల భ‌రిణెతో ప్రేమ‌లో ప‌డ్డాడ‌ని టాక్ బ‌లంగా వినిపిస్తోంది. అంతేకాదు కార్తీక్ ఆర్య‌న్ లాంటి ట్యాలెంటెడ్ స్టార్ కి ల‌వ‌ర్ గా మార‌గానే ఈ అమ్మ‌డికి సంబంధించిన ఫోటోలు ఇంట‌ర్నెట్ ని షేక్ చేస్తున్నాయి.

ఇంత‌కుముందే కార్తీక్ ఆర్యన్ ప్రియురాలు పష్మినా రోషన్ ఈమె అంటూ త‌న‌ అందం గురించి ఆన్ లైన్ లో చాలా పెద్ద డిబేట్ మొద‌లైంది. త‌న ఫోటోషూట్లు అంత‌ర్జాలాన్ని సునామీలా చుట్టేస్తున్నాయి.

డేటింగ్ చేయడం లేదా?

హ‌స్మినా ప్ర‌స్తుతం మోడ‌ల్ గా రాణిస్తోంది. త‌దుప‌రి బాలీవుడ్ కి క‌థానాయిక‌గా ప‌రిచ‌య‌మ‌వుతోంది. ఇంత‌లోనే స‌ద‌రు డెబ్యూ నటి పష్మీనా రోషన్ తో కార్తీక్ డేటింగ్ చేస్తున్నట్లు పుకార్లు వచ్చాయి. 27ఏళ్ల పష్మీనా హృతిక్ రోషన్ కి కజిన్. ప్ర‌స్తుతం కార్తీక్ - పష్మినా కలిసి చాలా సమయం గడుపుతున్నారు. ఇద్దరూ కలిసి ఆమె ఇంట్లో చాలా కూల్ గా జంట‌గా క‌నిపించార‌ని టాక్ వినిపించింది.

తాజా గుస‌గుస‌ల ప్రకారం.. దీపావళి రోజున కార్తీక్ తన కొత్త మెక్ లారెన్ కార్ లో పష్మినాతో క‌లిసి లాంగ్ డ్రైవ్ కి వెళ్లాడు. ఈ వ్య‌వ‌హారం కొత్త జంట‌ డేటింగ్ పుకార్లకు తెర తీసింది. ఇండ‌స్ట్రీలో మోస్ట్ ఎలిజిబుల్ బ్యాచిలర్ కార్తీక్ ప్రేమను పొందాల‌ని క‌ల‌లు క‌న‌ని మ‌గువ లేదంటే అతిశ‌యోక్తి లేదు. ఇప్ప‌టికే ప‌ష్మినాతో కార్తీక్ జోడీ ఎలా ఉంటుందో అంటూ అభిమానులు ఊహాగానాలు ప్రారంభించారు.

అయితే ఆ ఇద్ద‌రి డేటింగ్ నిజ‌మేనా? అన్న‌ది ఆరా తీస్తే కార్తీక్ ఆర్య‌న్ కి చెందిన‌ సన్నిహిత వ‌ర్గాలు ఈ వార్త‌ల‌ను కొట్టిపారేసాయి. కార్తీక్ కి ఇప్ప‌ట్లో ల‌వ్ లైఫ్ పై పెట్టుబడి పెట్టడానికి టైమ్ లేదని చెప్పారు. ఈ లింక్ అప్ కథనాలలో నిజం లేదని పాపుల‌ర్ జాతీయ మీడియా వెల్ల‌డించింది. పష్మీనా రోషన్ అందంలో ఏ ఇత‌ర క‌థానాయిక‌కు తీసిపోదు. త‌న‌దైన అందం చందం తో యూత్ ని క‌వ్విస్తోంది. కార్తీక్ తో లింక‌ప్ వార్త‌లు రావ‌డంతో ఈ భామ‌పై అంద‌రి దృష్టి ప‌డింది.

కార్తీక్ తన వృత్తిపరమైన కమిట్ మెంట్ లతో చాలా బిజీగా ఉన్నాడు. ప్ర‌స్తుతం వ‌రుస చిత్రాల్లో న‌టిస్తున్నాడు. ఫ్రెడ్డీ- షెహజాదా - సత్య ప్రేమ్ కీ స్టోరి చిత్రీక‌ర‌ణ‌లో ఉన్నాయి. అత‌డు తన కెరీర్ పైనే ఎక్కువ‌ దృష్టి పెడుతున్నాడు.

ఇంత‌కీ పష్మీనా ఎవ‌రు? అంటే .. రాజేష్ రోషన్ కుమార్తె.. రాకేష్ రోషన్ మేనకోడలు. ఆమెకు ఒక సోదరుడు ఇషాన్ రోషన్ ఉన్నారు. మెథడ్ యాక్టింగ్ లో ఈ భామ నైపుణ్యం సంపాదించింది. పష్మీనా బారీజాన్ యాక్టింగ్ స్కూల్ లో నటన నేర్చుకుంది. జెఫ్ గోల్డ్ బెర్గ్ స్టూడియోలో చదువుకుంది. ఆస్కార్ వైల్డ్ పాపుల‌ర్ డ్రామా `ది ఇంపార్టెన్స్ ఆఫ్ బీయింగ్ ఎర్నెస్ట్‌`లో కూడా కనిపించింది. రమేష్ తురాణీ `ఇష్క్ విష్క్ రీబౌండ్‌`తో బాలీవుడ్ లోకి అడుగుపెడుతోంది. రోహిత్ సరాఫ్- జిబ్రాన్ ఖాన్ - నైలా గ్రేవాల్ ఈ చిత్రంలో తారాగ‌ణం. అనన్య పాండే - సారా అలీ ఖాన్ లతో కార్తీక్ డేటింగ్ కి ముగింపు ప‌లికిన త‌ర్వాత ఇప్పుడు ప‌ష్మినాతో డేటింగ్ హాట్ టాపిక్ గా మారింది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.