కాటమరాయుడి మాట నమ్మొచ్చా..

పవన్ కళ్యాణ్ సినిమాలంటే పోస్ట్ పోన్ అవుతాయి తప్ప ప్రి పోన్ అవ్వవని జనాల గట్టి నమ్మకం. పవన్ లాస్ట్ మూవీ ‘సర్దార్ గబ్బర్ సింగ్’ ఎంతెంత ఆలస్యమైందో.. ఎన్నిసార్లు రిలీజ్ డేట్ మార్చుకుందో తెలిసిందే. పవన్ లేటెస్ట్ మూవీ ‘కాటమరాయుడు’ కూడా ప్రారంభోత్సవం తర్వాత రెగ్యులర్ షూటింగ్ వాయిదా పడటంతో ఇదీ ఆ కోవకే చెందుతుందనుకున్నారు. ఐతే కొంచెం లేటుగా అయినా.. రెగ్యులర్ షూటింగ్ ఆరంభమయ్యాక మాత్రం నిర్విరామంగా వర్క్ చేస్తోంది డాలీ అండ్ టీమ్. ఈ చిత్రాన్ని ఉగాది కానుకగా మార్చి 29న విడుదల చేయాలని ఫిక్సయిన సంగతి తెలిసిందే.

ఐతే తాజా సమాచారం ప్రకారం ఈ చిత్రాన్ని అనుకున్నదానికంటే వారం ముందుగా రిలీజ్ చేయాలనుకుంటున్నారట. సినిమా చిత్రీకరణ ఈ నెలాఖరుకల్లా పూర్తయిపోయేలా ఉండటంతో మార్చి మూడో వారంలోనే సినిమాను రిలీజ్ చేయడానికి అవకాశముందని తెలుస్తోంది. ఇది పవన్ అభిమానులకు పెద్ద సర్ప్రైజే. మామూలుగా స్టార్ హీరోల సినిమా విడుదలకు రెండు నెలల లోపే సమయం ఉంటే.. అభిమానుల్లో ఎగ్జైట్మెంట్ పెరిగిపోతుంది. ఐతే పవన్ ఫ్యాన్స్‌ లో ఇంకా ఆ ఎగ్జైట్మెంట్ రాలేదు. కారణం.. పవన్ సినిమా అంటే అనుకున్న సమయానికి విడుదల కాదని.. వాయిదా పడుతుందని.. ఒక రకమైన ఫీలింగ్ వచ్చేసింది జనాలకు. మరి ఇప్పుడు వార్తలొస్తున్నట్లుగానే ‘కాటమరాయుడు’ సినిమాను అనుకున్న దాని కంటే వారం ముందు రిలీజ్ చేసి సర్ప్రైజ్ చేస్తారేమ చూడాలి.

Like Us on Facebook : https://www.facebook.com/Tupakidotcom/