కాటమరాయుడు.. టీజర్ డేట్ చేంజ్

పవన్ కళ్యాణ్ లేటెస్ట్ మూవీ కాటమరాయుడు ఇప్పటికే టాక్ ఆఫ్ ది టాలీవుడ్. పవర్ స్టార్ మూవీ.. అందులోనూ పవర్ ఫుల్ ఫ్యాక్షన్ యాక్షన్ ఎంటర్టెయినర్ గా వస్తున్న ఈ మూవీపై అంచనాలు చాలానే ఉండగా.. న్యూ ఇయర్ ముందునుంచే ప్రమోషన్స్ కూడా మొదలు పెట్టిన కాటమరాయుడు నిర్మాతలు.. సంక్రాంతి సందర్భంగా జనవరి 14న టీజర్ విడుదల చేస్తున్నట్లు ఓ నాల్రోజుల క్రితం ప్రకటించారు.

ఇప్పుడు సడెన్ గా ఎందుకో పవన్ మనసు మార్చుకున్నట్లుగా కనిపిస్తోంది. జనవరి 14న టీజర్ కాదని.. కాటమరాయుడు డిజిటల్ పోస్టర్ ను విడుదల చేయబోతున్నామంటూ నిర్మాణ సంస్థ నార్త్ స్టార్ ఎంటర్టెయిన్మెంట్స్.. శరత్ మరార్ లు అనౌన్స్ చేశారు. అలాగే.. జనవరి 26న కాటమరాయుడు టీజర్ వస్తుందని కూడా చెప్పారు ప్రొడ్యూసర్స్. పండుగ రోజున పవన్ టీజర్ తో మరింత ఘనంగా సెలబ్రేట్ చేసుకుందామని అనుకున్న ఫ్యాన్స్ కి ఇది బ్యాడ్ న్యూసే.

అసలు పవన్ సడెన్ గా ఎందుకు మనసు మార్చుకున్నాడనే విషయం ఇంకా తెలియరాలేదు. కాటమరాయుడులో పవన్ కి తమ్ముళ్లుగా అజయ్.. శివబాలాజీ.. కమల్ కామరాజు నటిస్తుండగా.. గబ్బర్ సింగ్ బ్యూటీ శృతి హాసన్ గా నటిస్తోంది.


Like Us on Facebook : https://www.facebook.com/Tupakidotcom/