కాటమరాయుడు ఈవెంట్‌ లో ఫ్యాన్స్‌ సంబరాలే

పవన్ కళ్యాణ్ లేటెస్ట్ మూవీ కాటమరాయుడు ఇప్పుడు సెన్సార్ కార్యక్రమాలు పూర్తి చేసుకుని రిలీజ్ కి రెడీ అయిపోయిన విషయం తెలిసిందే. క్లీన్ యూ సర్టిఫికేట్ పొందిన కాటమరాయుడు.. ఈ నెల 24న థియేటర్లలోకి వచ్చేయనున్నాడు. ఇప్పుడీ చిత్రానికి ప్రీ రిలీజ్ పంక్షన్ కు ఏర్పాట్లు జోరందుకున్నాయి. మార్చ్ 18న కాటమరాయుడు ప్రీరిలీజ్ ఫంక్షన్ గ్రాండ్ గా జరపనున్నాడు నిర్మాత శరత్ మరార్.

అదే రోజున కాటమరాయుడు థియేట్రికల్ ట్రైలర్ ను కూడా లాంఛ్ చేయబోతున్నారు. ఈ వేడుకతో పాటు ఫ్యాన్స్ ను సంబరాల్లో ముంచెత్తేందుకు మరో స్పెషల్ ఫెస్టివల్ కూడా నిర్వహించనున్నాడట శరత్ మరార్. గతేడాది అక్టోబర్ తో పవర్ స్టార్ సినీ అరంగేట్రం చేసి 20 ఏళ్లు పూర్తయింది. ఆ సందర్భంగా వేడుకలు జరపాలనే ఆలోచనను అప్పుడు ఖండించాడు పవన్. ఫ్యాన్స్ సెలబ్రేట్ చేసుకున్నారు కానీ.. పవన్ మాత్రం దూరంగానే ఉన్నాడు. ఇప్పుడు కాటమరాయుడు ప్రీరిలీజ్ ఫంక్షన్ వేదికగా.. పవన్ 20 ఇయర్స్ వేడుకను కూడా జరపబోతున్నారట. ఇప్పటికే దీనికి సంబంధించి ఫ్యాన్స్ కు ఇన్విటేషన్స్ కూడా అందినట్లు తెలుస్తోంది.

ఇప్పుడీ వేడుకకు గెస్టులుగా ఎవరెవరు వస్తారా అనే ఆసక్తి నెలకొంది. సర్దార్ గబ్బర్ సింగ్ మాదిరిగానే చిరు వస్తారనే టాక్ నడుస్తుండగా.. అల్లు అర్జున్ కూడా ఈ వేడుకలో సందడి చేస్తాడని.. తద్వారా పవన్ ఫ్యాన్స్- అల్లు అర్జున్ ఫ్యాన్స్ మధ్య వివాదాలకు చెక్ పెట్టనున్నారని కూడా అంటున్నారు. ఇందులో ఏది వాస్తవమో తెలియాలంటే మాత్రం.. మరికొన్ని రోజులు ఆగాల్సిందే.

Like Us on Facebook : https://www.facebook.com/Tupakidotcom/