కౌశల్‌ పై 'కత్తి' దూస్తున్నాడు

తెలుగు బిగ్‌ బాస్‌ సీజన్‌ 2 ఫైనల్‌ వారంకు చేరుకుంది. ఫైనల్‌ కు కౌశల్‌ - తనీష్‌ - సామ్రాట్‌ - దీప్తి - గీతా మాధురిలు చేరుకున్న విషయం తెల్సిందే. ఈ అయిదుగురిలో ఫైనల్‌ విజేత ఎవరు అనే విషయంపై క్లారిటీ రాబోతుంది. ప్రేక్షకుల ఓట్ల ఆధారంగా ఫైనల్‌ విజేతను నిర్ణయించనున్న నేపథ్యంలో ప్రస్తుతం ఫైనల్స్‌ లో ఉన్న పార్టిసిపెంట్స్‌ కు సంబంధించిన వారు బయట పెద్ద ఎత్తున క్యాంపెయినింగ్‌ నిర్వహిస్తున్నారు. టీవీ9 దీప్తికి మద్దతుగా కత్తి మహేష్‌ నిలుస్తూ - ఆమె తరపున క్యాంపెయినింగ్‌ లో పాల్గొంటున్నట్లుగా తెలుస్తోంది.

ఎప్పటికప్పుడు విభిన్నమైన వ్యాఖ్యలు చేస్తూ అందరి దృష్టిని ఆకర్షించే కత్తి మహేష్‌ తాజాగా కౌశల్‌ పై విమర్శలు చేశాడు. ప్రస్తుతం సోషల్‌ మీడియాలో - బయట కౌశల్‌ అభిమానులు చేస్తున్న సందడి అంతా ఇంతా కాదు. కౌశల్‌ ఆర్మీ పలు ముఖ్య నగరాల్లో 2కే రన్‌ నిర్వహించి కౌశల్‌ కు మద్దతుగా భారీ క్యాంపెయినింగ్‌ నిర్వహించడం జరిగింది. ఇలాంటి సమయంలో కౌశల్‌ గురించి కత్తి మహేష్‌ చేసిన వ్యాఖ్యలు ప్రస్తుతం చర్చనీయాంశం అవుతున్నాయి. ఇప్పటికే పలు సార్లు కౌశల్‌ గురించి విమర్శలు చేసిన కత్తి మహేష్‌ తాజాగా కౌశల్‌ బిగ్‌ బాస్‌ 2 లోనే చాలా విసుగు తెప్పించిన వ్యక్తి. ఒక వేళ అతడు బిగ్‌ బాస్‌ గెలిస్తే మనమెంతో ఇడియట్స్‌ అనేది నిరూపితం అవుతుంది అంటూ ఫేస్‌ బుక్‌ లో పోస్ట్‌ చేశాడు.

కౌశల్‌ పై కత్తి మహేష్‌ వ్యాఖ్యలను కౌశల్‌ ఆర్మీ తీవ్రంగా తప్పుబడుతుంది. ఒక మహిళ కత్తి మహేష్‌ ను మీరు ప్రేక్షకాధరణ ఎక్కువ ఉన్న వ్యక్తుల గురించి విమర్శలు చేసి పబ్లిసిటీ పొందాలని భావిస్తున్నారా అంటూ ప్రశ్నించింది. అందుకు కత్తి సమాధానంగా నేను పబ్లిక్‌ ఒపీనియన్‌ పట్టించుకోను. నేను ఏది అయితే అనుకుంటానో అదే నమ్ముతాను అన్నాడు. పబ్లిక్‌ ఒపీనియన్‌ పట్టించుకోని కత్తి మహేష్‌ మరి ఎందుకు పదే పదే కౌశల్‌ ను విమర్శిస్తున్నాడు, ప్రేక్షకులు ఆయన్ను అభిమానిస్తూ - ఓట్లు వేస్తుంటే ఎందుకు వద్దంటున్నాడు అంటూ కౌశల్‌ ఆర్మీ ప్రశ్నిస్తుంది.