టాలీవుడ్ స్టార్లపై ‘కత్తి’ లాంటి ట్వీట్

టాలీవుడ్లో కాస్టింగ్ కౌచ్ వ్యవహారమై ప్రస్తుతం పెద్ద చర్చే నడుస్తోంది. మొన్నటి దాకా ఈ వ్యవహారాన్ని జనాలు లైట్ తీసుకున్నారు కానీ.. అగ్ర నిర్మాత సురేష్ బాబు తనయుడు అభిరామ్.. స్టార్ రైటర్ కోన వెంకట్ లాంటి వాళ్ల పేర్లు బయటికి రావడంతో సీన్ మారింది. శ్రీరెడ్డి వ్యవహారంపై హాట్ హాట్ డిస్కషన్లు నడుస్తున్నాయి. మొన్న శ్రీరెడ్డి తీరును తప్పుబడుతూ.. తెగ ఆవేశ పడుతూ ఆమెపై నిషేధం విదిస్తున్నట్లు ప్రకటనలు చేసిన ‘మా’ పెద్దలు అభిరామ్ వ్యవహారం బయటికి రాగానే యు టర్న్ తీసుకోవడం అందరినీ ఆశ్చర్యానికి గురి చేసింది. అభిరామ్ ప వచ్చిన ఆరోపణల విషయమై సురేష్ ఫ్యామిలీ నుంచరి అసలే స్పందనా లేదు. మిగతా సినీ ప్రముఖులు కూడా దీనిపై నోరు విప్పట్లేదు. కనీసం ఒక ఖండన కూడా లేదు.

ఈ నేపథ్యంలో టాలీవుడ్ స్టార్లకు చురకలంటిస్తూ సినీ విమర్శకుడు మహేష్ కత్తి చేసిన ట్వీట్ సంచలనం రేపుతోంది. ఆయన తనదైన శైలిలో బావ-బామ్మర్ది ట్వీట్ పెట్టాడు. ‘‘బావా.. ఇండస్ట్రీలో ఇంత రచ్చ జరుగుతుంటే ఈ మెగాలు.. గిగాలు.. సూపర్ లు.. పవర్ లు ఒక్క మాట కూడా బాధిత మహిళల గురించి అనడం లేదు. ఎందుకు’’

‘‘వాళ్ల పేర్లు బయటికి రాలేదని సంతోషిస్తున్నారో. మనకెందుకులే అని అన్ని విషయాల్లాగా ఊరుకుంటున్నారో నాకూ తెలియదు బామ్మర్ది!’’

ఇదీ కత్తి పెట్టిన కత్తి లాంటి ట్వీట్. నిజమే కదా. శ్రీరెడ్డి తన నిరసనను వ్యక్తం చేయడానికి ఎంచుకున్న మార్గం తప్పు కావచ్చు కానీ.. ఆమె ఆరోపణల్లో నిజం లేకుండా పోలేదన్నది జనాభిప్రాయం. దీని గురించి ఇంత రచ్చ నడుస్తుంటే ఏ ప్రముఖ హీరో స్పందించరే?