'పరాన్నజీవి'లో కత్తి మహేష్ రోల్ అదేనా...?

డైరెక్టర్ రామ్ గోపాల్ వర్మకి పై సెటైరికల్ మూవీగా ''పరాన్నజీవి'' అనే సినిమా తెరకెక్కుతున్న సంగతి తెలిసిందే. రాంగోపాల్ వర్మ పవన్ కళ్యాణ్ పై తీస్తున్న ''పవర్ స్టార్'' సినిమాకి కౌంటర్ గా ఈ సినిమా రూపొందిస్తున్నారు. ఈ సినిమాకి 'బిగ్ బాస్' కంటెస్టెంట్ నూతన్ నాయుడు దర్శకత్వం వహిస్తున్నారు. ఇప్పటికే 'పరాన్నజీవి' టైటిల్ సాంగ్ కూడా రిలీజ్ చేసింది చిత్ర యూనిట్. ఇక ఈ సినిమాలో ఆర్జీవీ పాత్రలో జబర్ధస్త్ కమెడియన్ షకలక శంకర్ నటిస్తున్నాడు. ఇప్పటికే షకలక శంకర్ ఫస్ట్ లుక్ తో పాటు కత్తి మహేష్ పాత్రకు సంబంధించిన పోస్టర్‌ ను రిలీజ్ చేశారు. 'మహేష్ కత్తి - ది పీకే ఫ్యాన్' అంటూ రిలీజైన ఈ పోస్టర్ లో కత్తి మహేష్ జేబుపై పవన్ కళ్యాణ్ ఫోటో కూడా ఉండటం విశేషం.

కాగా కత్తి మహేష్.. రామ్ గోపాల్ వర్మ తెరకెక్కిస్తున్న 'పవర్ స్టార్' సినిమాలో కూడా నటిస్తున్నాడు. ''వర్మ తీసిన.. వర్మపై తీసిన సినిమాలలో ఉన్న ఏకైక యాక్టర్ నేనే'' అని మహేష్ కత్తి ప్రకటించారు. నిన్న రిలీజైన 'పవర్ స్టార్' ట్రైలర్ లో కూడా మహేష్ జర్నలిస్ట్ పాత్రలో ప్రవన్ కళ్యాణ్ ని ఇంటర్వ్యూ చేస్తూ కనిపించాడు. ఇప్పుడు లేటెస్టుగా కత్తి మహేష్ నగలు ధరించిన ఫోటో పెట్టి ''ఈ మాత్రం నగలు దిగేసుకుంటే కానీ నిర్మాత అనరంట.. సరే అలాగే కానిద్దాం'' అని ఫేస్ బుక్ లో పోస్ట్ పెట్టారు. ఈ గెటప్ 'పరాన్నజీవి' సినిమాలోనిదని అర్థం అవుతోంది. అంతేకాకుండా మహేష్ గెటప్ చూస్తే టాలీవుడ్ ప్రొడ్యూసర్ తుమ్మలపల్లి రామ సత్యనారాయణ గుర్తుకు రాకమానడు.

తుమ్మలపల్లి రామ సత్యనారాయణ కూడా రెండు చేతి వేళ్ళకి ఉంగరాలుతో పాటు మెడలో ఎప్పుడూ బంగారు గొలుసుతో తో కనిపిస్తారు. అందులోనూ ఈయన రామ్ గోపాల్ వర్మ డైరెక్ట్ చేసిన 'ఐస్ క్రీమ్' సినిమాకి నిర్మాతగా కూడా వ్యవహరించారు. దీంతో కత్తి మహేష్ 'పరాన్నజీవి'లో తుమ్మలపల్లి రామ సత్యనారాయణ రోల్ ప్లే చేయబోతున్నాడని సినీ అభిమానులు డిసైడ్ అయ్యారు. కానీ కత్తి మహేష్ ఫస్ట్ లుక్ పోస్టర్ లో మాత్రం పీకే ఫ్యాన్ అని పరిచయం చేసారు. మరి ఈ సినిమాలో ప్రొడ్యూసర్స్ అంటే ఇలా నగలు ధరించి రిచ్ గా కనిపించాలని అలా ప్లాన్ చేశారా లేదా సత్యనారాయణని పోలిన పాత్రనే చూపిస్తున్నారా అనేది తెలియాలంటే 'పరాన్నజీవి' రిలీజ్ అయ్యేదాకా ఆగాల్సిందే. ఇక 'పవర్ స్టార్' 'పరాన్నజీవి' సినిమాలు రెండూ జూలై 25న ఉదయం 11 గంటలకు ఆన్లైన్ లో విడుదల కానున్నాయి.