లింగబాబు లవ్ స్టోరీస్.. కత్తి కొత్త ట్విస్టిచ్చాడు

పవన్ కళ్యాణ్ బ్రాండ్ తో పైకొచ్చిన మహేష్ సూటిగా వెళితే ఎవరు పట్టించుకోరు అనే ఫార్ములాను బాగా నేర్చుకున్నాడు. పెసరెట్టు లాంటి కాన్సెప్ట్ ఎవ్వరికి చేరలేదు అని అందరికి ఘాటైన టేస్ట్ తగిలేలా కొత్త కాన్సెప్ట్ తో రెడీ అయ్యాడు. అదికూడా వెబ్ సిరీస్ కావడంతో ఎన్ని రోజులు వదులుతాడా అనేది హాట్ టాపిక్ అయ్యింది. ముందుగా పెద్దల సినిమా అంటూ పిల్లలు పక్కకెళ్లి ఆడుకోండని విమర్శకులకు కౌంటర్ ఇవ్వడం బాగానే ఉంది.

లింగబాబు లవ్ స్టోరీస్ అనే ఈ వెబ్ సిరీస్ లో ముందుగా కొన్ని కథల మధ్యన సాగే క్యారెక్టర్స్ అని అర్ధమవుతోంది. కత్తి మహేష్ కి బాష మీద పట్టు బాగానే ఉందని ముందు కొన్ని డైలాగులతో అర్థమయ్యేలా చెప్పాడు. కాకపోతే అవి బి గ్రేడ్ డైలాగులు కావడంతో నెగిటివ్ కామెంట్స్ ఎక్కువగా అందుతున్నాయి. ఈ వెబ్ సిరీస్ కాంట్రవర్షియల్ అవ్వకుండా ఉండడం కష్టమే అనిపిస్తోంది. ఇన్ని రోజులు పవన్ తప్పు చేశాడని చెప్పిన కత్తి మహేష్ ఇప్పుడు ఇలాంటి సినిమా ఎంచుకోవడం పెద్ద సాహసమే.

ఆ విషయాన్ని పక్కన పెడితే కొంత మంది షార్ట్ ఫిలిమ్స్ కమెడియన్స్ ని కత్తి మహేష్ ఈ వెబ్ సిరీస్ లో సెట్ చేసుకున్నాడు. పక్కింటి ఆంటీ - మరదలు - నర్స్ అంటూ వారు కథలు చెప్పడం క్లివేజ్ షోలు రిపీట్ అవ్వడం ఇంతకు ముందు చాలా వచ్చాయి. యూ ట్యూబ్ లో అలాంటివి కుప్పలు తెప్పలుగా పడి ఉన్నాయి. కాకపోతే కత్తి మహేష్ అలాంటి కాన్సెప్ట్ ఎంచుకోవడం కొత్త అని చెప్పాలి. మరి ఈ వెబ్ సిరీస్ తో కత్తి ఎలాంటి పరిస్థితులను క్రియేట్ చేస్తాడో చూడాలి.

వీడియో చూడటానికి క్లిక్ చేయండి