ప్రియ నిర్మాత‌తో క్యాట్ సూప‌ర్ హీరో సినిమా!

బాలీవుడ్ బ్యూటీ కత్రినా కైఫ్ బిజీ షెడ్యూల్ గురించి చెప్పాల్సిన ప‌నిలేదు. పెళ్ల‌యిన త‌ర్వాత అమ్మ‌డు మ‌రింత బిజీ అవుతోంది. ఓవైపు సినిమాలు చేస్తూనే మ‌రోవైపు కుటుంబానికి స‌మ‌యం కేటాయిస్తోంది. ప్ర‌స్తుతం క్యాట్ చేతిలో చాలా సినిమాలున్నాయి. వాటిలో ముందుగా రిలీజ్ అవుతోన్న చిత్రం 'ఫోన్ భూత్'. ప్ర‌స్తుతం కత్రినా ఈ సినిమా ప్ర‌చారం ప‌నుల్లో నిమ‌గ్న‌మైంది.

దీనిలో భాగంగా ఉత్త‌రాదిన అన్ని రాష్ర్టాలు చుట్టేస్తోంది. ఈ సినిమాతో క్యాట్ తొలిసారి ఇషాన్ ఖట్టర్ - సిద్ధాంత్ చతుర్వేదిలతో స్క్రీన్ స్పేస్‌ను పంచ‌కుంటుంది. ఆన్ స్ర్కీన్ పై త‌మ కెమిస్ర్టీ ఎలా ఉండ‌బోతుంద‌న్న‌ది ముందుగానే రివీల్ చేస్తుంది. అలాగే కత్రినా నిర్మాత అలీ అబ్బాస్ జాఫర్ తో ఓ సూపర్ హీరో చిత్రం 'సూపర్ సోల్జర్‌' చేయాల్సి ఉంది.

అలీతో క్యాట్ రీయూనియన్ గురించి అప్‌డేట్ కోసం అభిమానులు ఎంతో ఆసక్తిగా ఎదురు చూస్తున్నారు. తాజాగా ఆ వివ‌రాలు రివీల్ చేసింది. 'అలీతో సినిమా ఉంటుంది. అతను నాకు మంచి స్నేహితుడు. మేము ఎప్పుడూ క‌లిసి సినిమాలు చేయాల‌ని మాట్లాడుకుంటా. కానీ బిజీ షెడ్యూల్ కార‌ణంగా వీలుప‌డ‌టం లేదు. సూప‌ర్ హీరో సినిమా విష‌యంలో మాత్రం ఇక డిలే జ‌ర‌గ‌దు. ఈ సినిమా త‌ర్వాత భవిష్యత్తులో మ‌రిన్ని సినిమాలు చేస్తాం' అని తెలిపింది.

గ‌తంలో వీరిద్దరు కాంబోలో 'మేరే బ్రదర్ కి దుల్హన్'.. 'టైగర్ జిందా హై'.. 'భారత్' లాంటి స‌క్సెస్ ఫుల్ చిత్రాలు చేసారు. అవి బాక్సాఫీస్ వ‌ద్ద మంచి వ‌సూళ్ల‌ను సాధించాయి. అప్ప‌టి నుంచి ఈ కాంబో అంటే ప్రత్యేక‌మైన అభిమానులు ఏర్ప‌డ్డారు. భారీ అంచ‌నాలు క్రియేట్ అవుతున్నాయి.

వాస్త‌వానికి ఈ సూప‌ర్ హీరో చిత్రాన్ని కోవిడ్ కి ముందే ప్ర‌క‌టించారు. ఆ త‌ర్వాత వైర‌స్ విజృంభ‌ణ‌తో స‌న్నివేశం మొత్తం మారిపోయింది. ఈ క్ర‌మంలో క‌త్రినా వేర్వేరు సినిమాల‌తో బిజీ అయింది. ప్ర‌స్తుతం క‌త్రినా టైగ‌ర్ -3 ..మేరి క్రిస్మ‌స్ చిత్రాల్లో న‌టిస్తోంది. ఇవి ఆన్ సెట్స్ లో ఉన్నాయి. వీటి త‌ర్వాత సూప‌ర్ హీరో సినిమాపై పూర్తి క్లారిటీ వ‌చ్చే అవకాశం ఉంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.