పెళ్లి త‌ర్వాత డిస్ ప్లే మార్చేసిన క్యాట్

కత్రినా కైఫ్ - విక్కీ కౌశల్ గత కొన్ని వారాలుగా ట్రెండింగ్ న్యూస్ లో అంద‌రి దృష్టిని ఆకర్షించారు. డిసెంబర్ 9న రాజస్థాన్ లోని సవాయ్ మాధోపూర్ లో ఈ జంట పెళ్లి బంధంతో ఒక్కటైంది. వీరి వివాహం అంగరంగ వైభవంగా జరిగింది. 120 మంది బాలీవుడ్ అతిథులు.. సన్నిహిత కుటుంబ సభ్యులు మాత్రమే ఈ వేడుక‌కు హాజరయ్యారు. పెళ్లి తర్వాత కొత్త జంట ముంబైకి తిరిగి వచ్చారు.

పెళ్లయిన తర్వాత రిసెప్ష‌న్ కోసం ప్లానింగ్ తెలిసిన‌దే. ఇప్పుడు సోషల్ మీడియాలో కత్రినా షేర్ చేసిన ఓ ఫోటో నెటిజనుల‌ దృష్టిని ఆకర్షించింది. తన అధికారిక ఇన్ స్టాగ్రామ్ హ్యాండిల్ లో కత్రినా చాలా కాలం తర్వాత ఫోటోని మార్చింది.

కొత్త చిత్రం ఎంతో ఆక‌ర్ష‌ణీయంగా క‌నిపిస్తోంది. ఇది వివాహ వేడుకలో కొత్త జంట ఒకరినొకరు ప్రేమగా చూసుకుంటూ ఉన్న‌ప్ప‌టిది. సూర్యాస్తమయం సమయంలో ఈ ఫోటో క్లిక్ మంది. ఈ జంట రెండు నెల‌ల పాటు విదేశాల‌కు హ‌నీమూన్ వెళ్ల‌నుంది.

కెరీర్ మ్యాట‌ర్ కి వ‌స్తే.. కత్రిన‌ కైఫ్ `టైగర్ 3`.. ఫోన్ భూత్ సినిమాలలో నటించనుంది. గోవింద నామ్ మేరా చిత్రంలో విక్కీ కౌశల్ న‌టిస్తున్నాడు. ఆ ఇద్దరికీ ఇత‌ర భారీ ప్రాజెక్టులు క్యూలో ఉన్నాయి.