మ‌ల్లీశ్వ‌రి మ‌న‌సు ఇటు మ‌ళ్లింద‌ట‌

మ‌ల్లీశ్వ‌రిగా తెలుగు వారి గుండెల్లో నిలిచింది క‌త్రిన కైఫ్‌. ఆరంభ‌మే విక్ట‌రీ వెంక‌టేష్ స‌ర‌స‌న విక్ట‌రీ అందుకుని అటుపై స్టార్ హీరో బాల‌కృష్ణ స‌ర‌స‌న కూడా న‌టించిన సంగ‌తి తెలిసిందే. కానీ కాల‌క్ర‌మంలో ఎందుక‌నో క‌త్రిన బాలీవుడ్ కే అంకిత‌మైపోయింది.

ఆ మ‌ధ్య‌లోనే మ‌హేష్ - ప్ర‌భాస్ లాంటి స్టార్ల స‌ర‌స‌న న‌టిస్తుంద‌ని ప్ర‌చారం సాగినా ఎందుక‌నో వీలుప‌డ‌లేదు. మ‌ళ్లీ ఇన్నాళ్టికి టాలీవుడ్ లో రీఎంట్రీ ఇచ్చేందుకు క‌త్రిన ఆస‌క్తిగా ఉంద‌ని గుస‌గుస‌లు వినిపిస్తున్నాయి.

క‌త్రీనా కైఫ్ - సౌత్ మీద మోజు మ‌ళ్లీ పెంచుకుంటోంద‌న్న‌ది తాజా అప్ డేట్. వివ‌రాల్లోకి వెళితే ప్ర‌భాస్ లాంటి పాన్ ఇండియా స్టార్ స‌ర‌స‌న ఆఫ‌ర్ వ‌చ్చినా క‌త్రిన న‌టించే వీలుంద‌ట‌. అలాగే త‌మిళంలో అజిత్ న‌టించ‌బోతున్న ఓ అప్ క‌మింగ్ మూవీలో క‌త్రినా కైఫ్ ని హీరోయిన్ ‌గా తీసుకోవాల‌ని ప్లాన్ చేస్తున్నార‌ట. అజిత్ కూడా పాన్ ఇండియా మార్కెట్ మీద ఫోక‌స్ పెడుతున్న నేప‌థ్యంలో ఈ నిర్ణయం తీసుకుంటున్న‌ట్లుగా తెలుస్తోంది. అయితే ప్ర‌భాస్ - అజిత్ లాంటి మాస్ట‌ర్ క్లాస్ హీరోల‌తో న‌టించేందుకు మ‌ల్లీశ్వ‌రికి ఎలాంటి అభ్యంత‌రం ఉండ‌క‌పోవ‌చ్చ‌న్న టాక్ అభిమానుల్లో ఉంది.