కత్రినా పెళ్లి కూతురాయెనె.. ఇదిగో ప్రూఫ్‌

కత్రినా కైఫ్‌... పెళ్లి కూతురైంది. ఎరుపు రంగు ప‌ట్టు చీర క‌ట్టుకుని... పెద్ద బోట్టుతో సింగారించుకుని సిగ్గుప‌డుతూ న‌డిచొస్తూ క‌నిపించింది. అమ్మ‌డి పెళ్లికి అంతా సిద్ధ‌మైంది. పాపిడి బిల్ల‌... మెరిసే న‌గ‌లు ధ‌రించి... మ‌హా అందంగా ముస్తాబైంది క్యాట్‌. ఆగండి... ఆగండి... ఇలా చెబితే... ఒక్కసారిగా ఆమె అభిమానుల్లో గుండెల్లో రైళ్లు పరిగెత్తుతాయెమో! ఇదంతా నిజం కాదు. ఒక సినిమా షూటింగ్ లో జ‌రిగిన తంతు.

ప్ర‌స్తుతం షారుక్ ఖాన్ ‘జీరో’ సినిమాలో ఓ కీల‌క పాత్ర‌లో కత్రినా న‌టిస్తోంది. ఆనంద్ ఎల్‌.రాయ్ ద‌ర్శ‌క‌త్వంలో తెర‌కెక్కుతున్న ఈ సినిమాలో షారుక్ మ‌రుగుజ్జు పాత్ర‌లో క‌నిపించ‌బోతున్నాడు. ఈ సినిమాలో పెళ్లి కూతురు గెట‌ప్ లో ఉన్న ఫోటోను సోష‌ల్ మీడియాలో షేర్ చేసింది క‌త్రీనా. పెళ్లి కూతురిలా అందంగా ముస్తాబై... వ‌రుడి కోసం ఎదురుచూస్తూ దీర్ఘంగా ఆలోచిస్తున్న‌ట్టుగా ఓ స్టిల్ పెట్టింది క‌త్రినా. దీనికి ‘ఆజా ఫ‌ర్ జీరో’ అంటూ కామెంట్ కూడా పెట్టింది. అంతే పెట్టిన వెంట‌నే లైకులు... షేరుల‌తో తెగ వైర‌ల్ అవుతోందీ ఫోటో. క‌త్తిలాంటి కత్రినా కైఫ్ వ‌య‌సు ఇప్ప‌టికే మూడు ప‌దులు దాటి నాలుగేళ్లు దాటింది. రీల్ జీవితంలో స‌రే గానీ రియ‌ల్ జీవితంలో ఈ సీన్ ఎప్పుడొస్తుంద‌ని అడుగుతున్నారు కొంద‌రు అభిమానులు.

స‌ల్మాన్ ఖాన్‌తో ప్రేమాయ‌ణం త‌ర్వాత విడిపోయి...బాలీవుడ్ ల‌వ‌ర్ బాయ్‌ ర‌ణ‌బీర్ క‌పూర్ ను ప్రేమించింది క‌త్రీనా. అయితే వీరి మ‌ధ్య ప్ర‌స్తుతం చెడింద‌ని... వేరు వేరుగా ఉంటున్నార‌ని టాక్‌. ఈ మ‌ధ్య ఓ ప్రెస్ మీట్ లో సల్మాన్ తాగి ఇచ్చిన కాఫీని ప్రేమ‌గా తాగేసింది ఈ మాజీ ల‌వ‌ర్‌. అంతే పాప‌... మ‌ళ్లీ స‌ల్మాన్‌ కి ద‌గ్గ‌ర కావాల‌ని కోరుకుంటోంద‌ని గుస‌గుసలు వ‌స్తున్నాయి.