క్యూట్ భామకు టాప్ బ్యూటీ ట్రైనింగ్

అందాల భామలు సీనియర్ల దగ్గర నుంచి చాలానే విషయాలు నేర్చుకోవాల్సి ఉంటుంది. కెరీర్ ని పీక్స్ లోకి తీసుకెళ్లడం.. ఆ స్థాయికి వెళ్లాక దాన్ని నిలబెట్టుకునేందుకు ఎలా కష్టపడాలనే విషయాలను తెలుసుకోవడంలో తప్పులేదు. అన్నిటి కంటే ముఖ్యంగా అందాల భామలు తమ అందాన్ని ఎలా కాపాడుకోవాలో తెలుసుకోవడం.. ట్రైనింగ్ తీసుకోవడంలో ఆశ్చర్యమేమీ లేదు.

అయితే.. ఓ టాప్ సుందరికి జిమ్ వర్కవుట్స్ ను ఓపికగా నేర్పేందుకు మరో టాప్ బ్యూటీ సిద్ధపడ్డం కాస్త విడ్డూరమే. కుర్ర భామ ఆలియా భట్ కు.. బాలీవుడ్ టాప్ బ్యూటీస్ లో ఒకరైన కత్రినా కైఫ్ స్క్వాట్స్ నేర్పిస్తోంది. నిజానికి వీరిద్దరూ ఒకే ట్రైనర్ దగ్గర జిమ్ ప్రాక్టీస్ చేస్తుంటారు. ట్రైనర్స్ లో టాప్ అయిన జాస్మిన్ కరాచీవాలా వీరి ట్రైనర్. కారణాలు తెలీదు కానీ.. ఆమె సడెన్ గా లీవ్ తీసేసుకుంది. అలాగని అందాన్ని మెయింటెయిన్ చేయడంలో ఏ మాత్రం రాజీ పడే టైపు వీరిద్దరూ కాదు. అందుకే.. వెంటనే కత్రినా ట్రైనర్ అవతారంలోకి మారిపోగా.. ట్రైనింగ్ తీసుకునేందుకు సిద్ధపడిన ఆలియా.. స్క్వాట్స్ ప్రాక్టీస్ చేసేస్తోంది.

101 అంటూ కేట్ కౌంటింగ్ చేస్తుండగా.. కష్టపడి మరీ వర్కవుట్స్ చేస్తోంది ఆలియా. ఇంకా 300 స్క్వాట్స్ చేస్తే చాలు అంటూ కత్రినా ఓ కామెంట్ చేసి మరీ.. ఇందుకు సంబంధించిన ఓ చిన్నపాటి వీడియోను నెట్ లో షేర్ చేయగా.. ప్రస్తుతం ఇది వైరల్ గా మారింది.