కంగ‌న టార్చ‌ర్ భ‌రించ‌లేక‌పోయారు

కంగ‌న అన‌గానే పెర్ఫామ‌ర్‌ గా అభిమానుల గుండెల్లో నిలిచిపోయింది. క్వీన్‌ - రివాల్వ‌ర్ రాణీ -త‌ను వెడ్స్ మ‌ను .. ఇలా విల‌క్ష‌ణ‌మైన సినిమాల‌తో ప్ర‌పంచ‌వ్యాప్తంగా అభిమానుల్ని సంపాదించుకుంది. కంగ‌న నుంచి ఓ సినిమా వ‌స్తోందిఅంటే అదో ఎగ్జ‌యిట్ మెంట్‌. కానీ ఈసారి ఆ ఎగ్జ‌యిట్‌ మెంట్‌ కి తూట్లు పొడిచింది కంగ‌న‌. ఈభామ అమీర్ మేన‌ల్లుడు ఇమ్రాన్‌ ఖాన్ స‌ర‌స‌న క‌ట్టిబ‌ట్టి సినిమాలో న‌టించింది. ఇందులో కంగ‌న ఓ క్యాన్స‌ర్ పేషెంట్‌ గా న‌టించింది. క్యాన్స‌ర్ వ‌ల్ల చ‌నిపోతాన‌ని తెలిసి ప్రియుడి నుంచి ఎస్కేప్ అయ్యే పాత్ర‌లో న‌టించింది. పూర్తిగా ఎమోష‌న్‌, సెంటిమెంటుతో కంగ‌న టార్చ‌ర్ పెట్టింద‌ని అభిమానులు అనుకుంటున్నారు.

క్వీన్‌ లా - రాణీలా ఫ‌న్‌ - క‌వ్వింత లేకుండా ఇప్పుడు ఏడిపించేస‌రికి ఇదేమి టార్చ‌ర్ గురూ అంటూ అభిమానులంతా అవాక్క‌య్యారుట‌. క‌ట్టిబ‌ట్టి ల‌వ్ ఎమోష‌న్ ఫ్యాన్స్‌ కి ఎక్క‌లేదు. దాంతో సినిమా ప‌రాజ‌యం పాలైంద‌ని చెబుతున్నారు. ముఖ్యంగా ఎన్నో అంచ‌నాల‌తో థియేట‌ర్‌ కి వ‌స్తే త‌ల‌కిందులైంద‌ని చెబుతున్నారు. అప్ప‌ట్లో సిద్ధార్థ్ స‌ర‌స‌న ఓయ్ సినిమాలో న‌టించిన షామిలికి ఇలాంటి విమ‌ర్శ‌లే ఎదుర‌య్యాయి. ఓ హీరోయిన్ చ‌నిపోవ‌డాన్ని అభిమానులు అంత తేలిగ్గా జీర్ణించుకోలేని ప‌రిస్థితి. ముఖ్యంగా ఇలాంటి విషాదాంత ప్రేమ‌క‌థ‌ల్ని ఎవ‌రూ డైజెస్ట్ చేసుకోలేని ప‌రిస్థితి.