బిగ్‌ బాస్‌ సీజన్‌ 3 పై సీజన్‌ 2 విన్నర్‌ కామెంట్స్‌

బిగ్‌ బాస్‌ సీజన్‌ 2 లో విన్నర్‌ గా నిలిచిన కౌశల్‌ తాజాగా బిగ్‌ బాస్‌ సీజన్‌ 3 పై స్పందించాడు. సీజన్‌ 2 కు కౌశల్‌ ప్రత్యేక ఆకర్షణగా నిలిచాడు. కౌశల్‌ ఫ్యాన్స్‌ కౌశల్‌ ఆర్మీ ఏర్పాటు చేసి మరీ ఆయనకు మద్దతుగా నిలిచారు. కౌశల్‌ ఆర్మీ కారణంగానే కౌశల్‌ సీజన్‌ 2 విన్నర్‌ గా నిలిచాడు. ప్రస్తుతం చాలా బిజీగా ఉన్న కౌశల్‌ ఒక మీడియా సంస్థతో మాట్లాడుతూ సీజన్‌ 3 పై స్పందించడంతో పాటు ప్రస్తుతం ఉన్న ఇంటి సభ్యుల్లో ఎవరు ఫేవరేట్‌ అనే విషయంపై కూడా తనదైన శైలిలో స్పందించాడు.

సీజన్‌ 3 కంటెస్టెంట్స్‌ ఇంకా కూడా తమ ముసుగు తీయకుండా నటిస్తున్నారు. వారు ఎప్పుడైతే నటించడం మానేసి రియల్‌ గా ప్రవర్తిస్తారో అప్పుడే అసలైన ఫేవర్‌ ఎవరు అనే విషయం తెలుస్తుందని అన్నాడు. ఈ సీజన్‌ లో నా ఫేవరేట్‌ కంటెస్టెంట్‌ ఎవరు అనే ప్రశ్నకు సమాధానంగా నేను ఒకరి పేరు చెబితే ఇతరుల ఆటను చెడగొట్టిన వాడిని అవుతాను. అందువల్ల నేను ఎవరి పేరు చెప్పదల్చుకోలేదు అన్నాడు.

ప్రస్తుతం పలు ప్రాజెక్ట్‌ లు చేతిలో ఉన్న కారణంగా నేను బిగ్‌ బాస్‌ ను ఫాలో అవ్వలేక పోతున్నాను. కాని సమయం ఉన్నప్పుడు ఖచ్చితంగా బిగ్‌ బాస్‌ ను చూస్తున్నాను. బిగ్‌ బాస్‌ అనేది ఒక గొప్ప రియాల్టీ షో అని.. దాన్ని రెగ్యులర్‌ గా చూస్తే మంచి ఎంటర్‌ టైన్‌ మెంట్‌ అంటూ కౌశల్‌ అభిప్రాయ పడ్డాడు. రెండవ సీజన్‌ సమయంలో అయిదు ఆరు వారాలు పూర్తి అయినప్పటి నుండే కౌశల్‌ విజేత అంటూ సోషల్‌ మీడియాలో టాక్‌ వచ్చింది. కాని ఈసారి మాత్రం ఫైనల్‌ వరకు సస్పెన్స్‌ కొనసాగే అవకాశం కనిపిస్తుంది.