ఫ్యాన్స్ కు సూపర్ అప్డేట్ ఇచ్చిన కౌశల్ మందా

మోడల్ కమ్ యాక్టర్.. బిగ్ బాస్ 2 టైటిల్ విన్నర్ కౌశల్ మందా పేరు తెలియనివారు దాదాపుగా ఉండరు. బిగ్ బాస్ లో పాల్గొనక ముందు కూడా కౌశల్ చాలామందికి తెలుసు కానీ బిగ్ బాస్ తో మాత్రం కౌశల్ పాపులారిటీ పీక్స్ లోకి వెళ్ళింది. ఒక దశలో కౌశల్ ఆర్మీ హంగామా చూస్తే ఇక కౌశల్ టాలీవుడ్ లో కూడా తన సత్తా చాటుతాడని అంచనాలు వెలువడ్డాయి. అయితే అలా ఏమీ జరగలేదు. బిగ్ బాస్ తర్వాత కౌశల్ ఏ సినిమాలో కూడా నటించలేదు. దీంతో కొందరు నెటిజన్లు ఈమధ్య కౌశల్ ను ట్రోలింగ్ కూడా చేశారు. ఇలాంటి ట్రోలర్స్ కు సమాధానమిస్తూ తన వైఫ్ ను జాగ్రత్తగా చూసుకోవడమే ముఖ్యమని.. తన కెరీర్ కంటే కూడా ఆమె ఆరోగ్యం తనకు ముఖ్యమని తెలిపాడు. నీలిమ ఆరోగ్యం మెరుగైన తర్వాతే సినిమాలు చేస్తానంటూ తన సినిమాకోసం ఎదురు చూస్తున్న ఫ్యాన్స్ కు క్లారిటీ ఇచ్చాడు.

అయితే ఇదంతా జరిగి దాదాపు ఇరవై రోజులు దాటింది. తాజాగా మరో తన ఇన్స్టా ఖాతా ద్వారా మరో ఫోటో పోస్ట్ చేస్తూ కౌశల్ ఇంట్రెస్టింగ్ అప్డేట్ ఇచ్చాడు. "టైటిల్స్ వస్తుంటాయి.. పోతుంటాయి .. కానీ నా మల్టి టాస్కింగ్ మాత్రం అలానే ఉంటుంది. శ్రీరాం గోల్డ్ లోన్ అడ్వర్టైజ్మెంట్ కోసం హెబ్బా పటేల్ ను డైరెక్ట్ చేస్తున్నాను" అంటూ క్యాప్షన్ ఇచ్చాడు. ఈ ఫోటో లో సూపర్ గా నవ్వుతున్న హెబ్బాతో కలిసి కౌశల్ ఒక స్టైలిష్ పోజు ఇచ్చాడు

తెలుగులో ఉన్న ప్రముఖ మోడల్స్ లో కౌశల్ ఒకరన్న సంగతి తెలిసిందే. ఇప్పటికే ఎన్నో యాడ్స్ లో మోడల్ గా నటించిన కౌశల్ ఒక యాడ్ ఏజెన్సీని నిర్వహిస్తున్నాడు. ఆ యాడ్ ఏజెన్సీనే ఇప్పుడు 'టాలీవుడ్ కుమారి' హేబ్బా పటేల్ తో కొత్త యాడ్ రూపొందిస్తోంది. ఈ ప్రకటనకు దర్శకుడు కౌశల్. ఈ అప్డేట్ కౌశల్ ఫ్యాన్స్ కు ఫుల్ జోష్ ఇస్తుందనడంలో సందేహం లేదు.