కంగ‌న పద్మ శ్రీపై కవితా కౌశిక్ క‌న్నెర్ర‌!

బాలీవుడ్ నటి కంగ‌నా ర‌నౌత్ ఇటీవ‌లే రాష్ర్ట‌పతి రామ్ నాధ్ కోవింద్ చేతుల మీదుగా ప‌ద్మ శ్రీ అవార్డు అందుకున్న సంగ‌తి తెలిసిందే. ఇప్ప‌టికే ప‌లు సినిమాల‌కు జాతీయ అవార్డులు అందుకున్న కంగ‌న కి ప‌ద్మ శ్రీ తో స‌త్క‌రించ‌డంతో ఆమె క్రేజ్ నాలుగింత‌లు అయింది. అయితే కంగ‌న‌కు ప‌ద్మ శ్రీ ఇవ్వ‌డంపై సోష‌ల్ మీడియాలో  చాలా వ్య‌తిరేక‌త కూడా వ్య‌క్త‌మైంది. ఈ నేప‌థ్యంలోనే న‌టి క‌వికౌశిక్ మండిప‌డింది. కంగ‌న‌కు ప‌ద్మ శ్రీ ఇవ్వ‌డంపై అసంతృప్తిని వ్య‌క్తం చేసింది. గ్లోబ‌ల్ స్టార్ గా వెలిగిపోతున్న ప్రియాంక చోప్రా లాంటి వాళ్ల‌కు ఇలాంటి అవార్డులు ద‌క్క‌లేద‌ని...విమ‌ర్శ‌లు..వ్య‌తిరేక‌తను వెంటేసుకుని తిరిఏ వారికి ఇలాంటి స‌త్కారాలా? అంటూ అగ్గిమీద గుగ్గిలం అయింది.

అయితే ప్రియాంక చోప్రాకి 2016లోనే ప‌ద్మిశ్రీ వ‌రించింది. ఈ విష‌యాన్ని ఓ నెటిజ‌నుడు సోష‌ల్ మీడియా ద్వారా క‌వితా కౌశిక్ కి  వెల్ల‌డించారు. అయితే క‌వితా వ్యాఖ్య‌ల‌కు ఆ నెటి జ‌ను మ‌ద్ద‌తు ప‌లికాడు. క‌వితా కౌశిక్ ... ట్విట‌ర్ వేదిక‌గా నిక్ జోనాస్ తో పీసీ సంప్ర‌దాయంగా హిందువుల పండుగ‌ను నిర్వ‌హిస్తోన్న ఫోటోని పోస్ట్ చేసింది. అలాగే పీసీ సంస్కృతి గురించి...ప్ర‌పంచ వ్యాప్తంగా ఉన్న ఆమెకున్న ఫాలోయింగ్  గురించి..ఇత‌రుల ప‌ట్ల పీసీ న‌డుచుకునే విధానం గుర్తు చేస్తూ కంగ‌న‌ని టార్గెట్ చేయ‌డంతో నెటిజ‌నులు క‌వితా కౌశిక్ మ‌ద్ద‌తుగా నిలిచారు.

ప్రియాంక చోప్రాకి ఎన్ని అవార్డులు వ‌చ్చినా ఏ సంద‌ర్భంలోనూ వాటి గురించి చెప్ప‌లేదు. అవార్డుల ప‌రంగా  త‌న‌ని తాను ప్ర‌మోట్ చేసుకోవ‌డానికి ఎప్పుడు ప్ర‌య‌త్నించ‌లేదు అని అన్నారు. కంగ‌న కంటే ముందుగా ప‌ద్మ శ్రీ  అందుకోవాల్సిన ప్ర‌ముఖులు చాలా మంది ఉన్నారంటూ కామెంట్లు పెడుతున్నారు. దాదాపు సోష‌ల్ మీడియాలో చాలా మంది వ్య‌తిరేకించారు. మ‌రి కంగ‌న‌ని ఏ ప్రాతిప‌దిక‌న ప‌ద్మ అవార్డు వ‌రించిందో?  చెప్పాలాంటూ డిమాండ్లు వ్య‌క్తం అవుతున్నాయి.