కంప్లీట్ యాక్టర్ కొత్త లుక్ చూశారా

మలయాళం సూపర్ స్టార్ ఎవరంటే అందరికి గుర్తొచ్చే నేమ్ మోహన్ లాల్. భాషతో సంబంధం సంబంధం లేకుండా ఈ కంప్లీట్ యాక్టర్ అన్ని భాషల్లో క్రేజ్ అందుకున్నాడు. అయితే మోహన్ లాల్ అప్పట్లో చేసిన పాత్రాలు ఒక ఎత్తు ఇప్పుడు చేస్తోన్న పాత్రలో మరొక ఎత్తు అనేలా టాక్ బాగా వస్తోంది. అప్పటికంటే ఇప్పుడే ఎక్కువగా ప్రయోగాలను చేస్తున్నాడు. కథ ఏ మాత్రం కొత్తగా అనిపించినా ఒకే అనేస్తున్నాడు.

ప్రస్తుతం మలయాళం ఇండస్ట్రీలో ఎక్కువగా ప్రియా వారియర్ పేరు గట్టిగా వినిపిస్తోంది. ఆమెకు సంబందించిన ఫొటోలు ఇతర రాష్ట్రాల్లో కూడా వైరల్ అయ్యాయి. అయితే అదే తరహాలో మోహన్ లాల్ లేటెస్ట్ పిక్ కూడా ఒకటి వైరల్ అయ్యింది. మోహన్ లాల్ ని ఈ తరహాలో ఎప్పుడు చూడలేదు అనే విధంగా ఆ ఫోటోకి కామెంట్స్ అందుతున్నాయి. చిన్న హెయిట్ స్టైల్ తో చిన్న గెడ్డంతో ఒక కన్ను మూస్తూ కనిపించడం చూస్తుంటే మోహన్ లాల్ పెద్ద ప్రయోగమే చేయబోతున్నాడు అనిపిస్తోంది.

ఈ ఫొటో మోహన్ లాల్ నటిస్తోన్న లేటెస్ట్ సినిమాలోనిది. కాయంకుళం కొచుణ్ణి అనే ఆ సినిమాపై ప్రస్తుతం అంచనాలు భారీ స్థాయిలో ఉన్నాయి. 19వ శతాబ్దంలోని హైవే మ్యాన్ కాయంకుళం కొచుణ్ణి జీవిత ఆధారంగా ఈ సినిమా తెరకెక్కబోతోందట. రాబిన్ వుడ్ లాగా ఉన్నవాడిని దోచుకొని లేనివాడికి ఇచ్చే కాన్సెప్ట్ చుట్టూ సినిమా ఉంటుందని సమాచారం.